क्यानडाले चिनियाँ विद्युतीय गाडीमा कर बढाएपछि दुई देशबीच व्यापार तनाव बढ्ने सङ्केत

भदौ २०, २०८१ बिहीबार १५:२९:५१ | एजेन्सी

क्यानडा र र चीनबीच व्यापारको तनाव बढ्ने देखिएको छ । अघिल्लो हप्ता क्यानडाले चीनबाट आयात हुने विद्युतीय गाडी, फलाम र आल्मुनियममा शतप्रतिशत कर लगाएपछि चीनले पनि त्यसको जवाफ दिने तयारी गरेको छ ।

चीनले पहिलो चरणमा क्यानडाबाट आयात हुने तोरीमा अनुसन्धान गरेर कर बढाउने र परिमाण कटौती गर्ने तयारी गरेको बीबीसीले जनाएको छ । चीनले आफ्ना सामानमा क्यानडाले गैरकानूनी ढङ्गले कर बढाएको भन्दै विश्व व्यापार सङ्गठनमा उजुरी गर्ने पनि बताएको छ ।

क्यानडाको निर्णयलाई चीनले भेदभावपूर्ण र एकपक्षीय भनेर आलोचना गरेको छ । चीनले तोरीमा कर बढाउने र परिमाण घटाउने घोषणा गरेपछि क्यानडाका कृषिमन्त्रीले यसलाई गहिरो चिन्ताको विषय भएको बताउनुभएको छ ।

अमेरिका र युरोपेली देशले पनि चिनियाँ गाडीसहितका सामानमा कर बढाएका छन् । चिनियाँ सरकारको अनुदानका कारण चीनका कम्पनीले आकर्षक, भरपर्दा र सस्ता गाडीको उत्पादन बढाएका छन् । चिनियाँ गाडीसँग पश्चिमा देशका कम्पनीहरूलाई प्रतिस्पर्धा गर्न हम्मे हम्मे परिरहेको छ ।

क्यानडामा सबैभन्दा धेरै निर्यात हुने वस्तुमा तोरी पर्छ । गएको वर्ष क्यानडाबाट चीनमा आयात हुने तोरीको परिमाण १ सय ७० प्रतिशतले बढेर ५ अर्ब डलर पुगेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

क्यानडाले चिनियाँ विद्युतीय गाडीमा कर बढाएपछि दुई देशबीच व्यापार तनाव बढ्ने सङ्केत

तस्बिर : एजेन्सी

तपाईको प्रतिक्रिया