चिनियाँ वाणिज्य–दूतावास हमलाको ‘मास्टरमाइन्ड’ भारतमा

मंसिर १०, २०७५ सोमबार ७:३०:४९ | एजेन्सी

चिनियाँ वाणिज्य–दूतावासमा भएको उग्रवादी हमलामा ‘भारतीय सम्बन्ध’ रहेको पाकिस्तानी पत्रिकाहरुले जनाएका छन् । बलूचिस्तान प्रदेशका गृहमन्त्री सलिम खोसाले घटना भारतले गराएको हो भन्ने आरोप लगाएका छन् ।

पाकिस्तानी समाचारपत्र जंगका अनुसार गृहमन्त्री खोसाले चिनियाँ वाणिज्य–दूतावासमा भएको हमलाको मास्टरमाइन्ड असलम अच्छु भारतमा रहेको बताए ।

मन्त्री खोसाले पहिले नै असलम अच्छुको निधन भएको भन्ने खबर आएको भए पनि त्यो खबर गलत भएको र असलम अच्छु भारतको एक अस्पतालमा उपचार गराइरहेको उनले बताए ।

पाकिस्तानको ‘काउन्टर टेरोरिजम डिपार्टमेन्ट (सीटीडी)का अध्यक्ष राजा उमर खत्ताबले वाणिज्य–दूतावासमाथि गरिएको हमलामा सी–४ प्लाष्टिकको प्रयोग गरिएको र यो प्लाष्टिक पाकिस्तानमा नपाइने बताए ।

गएको नोभेम्बर २३ मा पाकिस्तानको प्रमुख सहर कराँचीमा चिनियाँ वाणिज्य–दूतावासमा उग्रवादी हमला भएको थियो ।

हमलामा तीन आक्रमणकारी समेत कुल ७ जना मारिएका थिए । मारिनेमा दुई सर्वसाधरण थिए भने बाँकी सुरक्षाकर्मी थिए । पाकिस्तानको एक प्रदेश बलूचिस्तानलाई स्वतन्त्र बनाउनुपर्ने माग लिएको संगठन ‘बलूचिस्तान लिब्रेशन आर्मी’ ले हमलाको जिम्मेवारी लिएको छ ।

–बीबीसी हिन्दीकाे सहयाेगमा

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्