बाढी पहिरोमा फसेकाहरूलाई उद्धार गर्न सेनाका ३ वटा हेलिकप्टर परिचालन

असोज १३, २०८१ आइतबार १३:१८:३१ | उज्यालो सहकर्मी

काठमाण्डाै – सरकारले मौसम खुलेका ठाउँमा हेलिकप्टरबाट बाढी पहिरो पीडितको उद्धार तीव्र बनाएको जनाएको छ ।

गृह मन्त्रालयले नेपाली सेनाको हेलिकप्टरमार्फत बाढी पहिरो, डुबान तथा प्राकृतिक जोखिममा परेको एक सय ६१ जनाको सकुशल उद्धार गरेको जनाएको छ । गृह मन्त्रालयका प्रवक्ता एवम् सहसचिव ऋषिराम तिवारीले आज बिहानसम्म काभ्रेपलाञ्चोकका विभिन्न पालिकाबाट अहिलेसम्म ८३ जनाको उद्धार गरी सुरक्षित ठाउँमा सारिएको जानकारी दिनुभयो ।

रोशी खोलाले बीपी राजमार्गका ठाउँ–ठाउँमा कटान गरेसँगै सयौं जना अलपत्र परेका छन् । रोशीको बाढीले विभिन्न गाउँ र साना बजार बगाएको छ तर कहाँ कति क्षति भयो भन्ने अझै पनि विवरण आइसकेको छैन ।

काभ्रेपलाञ्चोकमा अहिले नेपाली सेनाका तीन वटा हेलिकप्टरले उद्धार जारी राखेको छ । गृह मन्त्रालयका प्रवक्ता तिवारीले बाढी पहिरोका कारण अवरुद्ध राजमार्ग खुलाउन सबै संयन्त्र परिचालन गरिएको बताउनुभयो ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाढी पहिरोमा फसेकाहरूलाई उद्धार गर्न सेनाका ३ वटा हेलिकप्टर परिचालन

तस्वीर : नेपाली सेना

तपाईको प्रतिक्रिया