सहकारीको बचत रकम अपचलन गर्ने बाग्लुङको ढोरपाटनका मेयर नेपाली कारागार चलान

असोज १६, २०८१ बुधबार ७:३:५ | उज्यालो सहकर्मी

काठमाण्डौ – सहकारीको बचत रकम अपचलन गरेको आरोपमा १६ महिनापछि पक्राउ परेका बाग्लुङको ढोरपाटन नगरपालिकाका मेयर देवकुमार नेपाली पुर्पक्षका लागि कारागार चलान भएका छन् ।

उनी संस्थापक अध्यक्ष रहेको इमेज बचत तथा ऋण सहकारीको बचत रकम हिनामिनासम्बन्धी मुद्दामा हिजो बाग्लुङ जिल्ला अदालतले थुनामा राख्न आदेश दिएको हो । मेयर नेपालीलाई केन्द्रीय अनुसन्धान ब्यूरोले भारतमा पक्राउ गरी गएको शनिबार नेपाल ल्याएर जिल्ला अदालत बाग्लुङमा अस्ति सोमवार पेस गरेको थियो ।

इजालस अधिकृत ऋषिराम रिजालका अनुसार नेपालीको वयान सोमवार नै सकिएको थियो । हिजो थुनछेक बहसपछि जिल्ला न्यायाधीश रमेशकान्त अधिकारीको इजलाशले नेपालीलाई पुर्पक्षका लागि कारागार चलान गर्न आदेश दिएको रिजालले बताउनुभयो ।

भारतको दिल्लीबाट गएको शुक्रबार पक्राउ परेका नेपालीलाई अनुसन्धानका लागि आइतवार बाग्लुङ लगिएको थियो । सहकारी ठगीमा अध्यक्ष नेपालीसहित सञ्चालकविरुद्ध कास्कीका पाँच सय २४ र बाग्लुङका एक हजार पाँच सय ४३ बचतकर्ताले गएको वर्ष जेठमै उजुरी दिएका थिए ।

सहकारीका बचतकर्ताको दुई अर्ब बचत रकम हिनामिना गरी २०८० जेठ ५ मा बुर्तिबाङ बजारबाट उनी परिवारसहित फरार भएका थिए । उनीसँगै पक्राउ परेका ओमप्रसाद दर्जीलाई एक लाख ५० हजार धरौटीमा छोड्न आदेश दिएको छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्