वर्षमा एक दिन खुल्ने हनुमानढोका दरबार क्षेत्रको तलेजु भवानीको मन्दिर आज बिहानैदेखि खुला

असोज २५, २०८१ शुक्रबार ८:७:१ | उज्यालो सहकर्मी

काठमाण्डौ – वर्षमा एक दिन खुल्ने काठमाण्डौको हनुमानढोका दरबार क्षेत्रको तलेजु भवानीको मन्दिर आज बिहानैदेखि खुला भएको छ । वर्षमा एकपटक अर्थात् आज महानवमीका दिन मात्र तलेजु भवानीको मन्दिर खुल्ने गर्छ । आज बिहान ४ बजेदेखि नै तलेजुका मन्दिरहरु सर्वसाधारणका लागि खुला गरिएको हो ।

काठमाण्डौ, ललितपुर र भक्तपुरका तलेजु मन्दिर आजकै दिन खुला गरिन्छ । आजका दिन तलेजुको दर्शन गर्न सर्वसाधारणको भीड लाग्ने गर्छ । तलेजु भवानीलाई भने फूलपातीकै दिन हनुमानढोका दरबारको मूलचोकमा ल्याइएको छ । तलेजु भवानीलाई विजयादशमीका दिन बिहानमात्र मूल मन्दिरमा फर्काइनेछ ।

दशैँको मुख्य दिन भोलि विजयादशमी पर्व मनाइन्छ । आज कुमारीलाई तलेजु भवानीको दर्शन गर्न लैजाने परम्परा पनि छ । आज नेवार समुदायले घरघरमा कुमारी बालिकालाई मयूर आसनमा राखेर कुमारी पुजा गर्छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वर्षमा एक दिन खुल्ने हनुमानढोका दरबार क्षेत्रको तलेजु भवानीको मन्दिर आज बिहानैदेखि खुला

फाइल फाेटाे

तपाईको प्रतिक्रिया