हङकङको चिडियाखानामा पछिल्लो १० दिनमा १२ वटा बाँदर मरे

कात्तिक ८, २०८१ बिहीबार १२:३०:२९ | एजेन्सी

हङकङको चिडियाखानामा पछिल्लो १० दिनमा १२ वटा बाँदर मरेका छन् । यीमध्ये ११ वटा बाँदर ब्याक्टेरियाको सङ्क्रमणबाट मरेको पुष्टि भएकामा एउटाको परीक्षण हुन बाँकी रहेको बीबीसीले जनाएको छ । द डि ब्राजा चिडियाखानामा शुरूमा १३ अक्टोबरमा ८ वटा बाँदर एकैपल्ट मरेपछि सबैलाई अलग्गै राख्न थालिएको थियो ।

मरेको बाँदरहरूको परीक्षण गर्दा चिडियाखाना नजिकैको दूषित माटोबाट ब्याक्टेरिया निस्केर सङ्क्रमण फैलिएको पाइएको छ । दूषित माटो, हावा वा पानीको सम्पर्कबाट सर्ने सङ्क्रमण रोग मेलियोइडोसिसका कारण बाँदरहरू मरेका अधिकारीहरूले बताएका छन् ।

हङकङको सिटी युनिभर्सिटीका भेटेरिनरी एपिडेमियोलोजिस्ट डर्क फिफरले यो सङ्क्रमण मानिसमा सर्ने जोखिम भने धेरै कम रहेको बताउनुभएको छ । उहाँले एशियामा माटोको प्रदूषण परीक्षण निकै कम हुने गरेको भन्दै यो अतिआवश्यक रहेको बताउनुभयो ।

कैद गरेर राखेका जनावरहरूको आसपासमा भएका माटो परीक्षण नहुँदा विश्वमा नै विभिन्न सङ्क्रमणका कारण जनावर मर्ने समस्या रहिआएको छ । हङकङमा सन् १९७० को दशकको मध्यतिर डल्फिनहरू मरेको पाइएपछि परीक्षणका क्रममा मेलियोइडोसिसको पुष्टि भएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हङकङको चिडियाखानामा पछिल्लो १० दिनमा १२ वटा बाँदर मरे

तस्बिर : एजेन्सी

तपाईको प्रतिक्रिया