च्याम्पियन्स ट्रफी 'हाइब्रिड' माेडलमा आयाेजना हाेला ? आईसीसीले आपत्कालीन बैठक बोलायो

 मंसिर ८, २०८१ शनिबार १५:२६:२७ | एजेन्सी
unn.prixa.net

गेटी इमेजेज

च्याम्पियन्स ट्रफी आयाेजनाका लागि अन्तर्राष्ट्रिय क्रिकेट काउन्सिल (आईसीसी) ले आपत्कालीन बैठक बोलाएको छ । आईसीसीले आउँदो मङ्गलवार बोलाएको बैठकमा च्याम्पियन्स ट्रफी २०२५ बारे चर्चा हुने क्रिकेटसम्बन्धी जानकारी दिने वेबसाइट क्रिकइन्फोले जनाएको छ ।

च्याम्पियन्स ट्रफी पाकिस्तान वा अन्य कुनै देशमा आयोजना गर्नेगरी 'हाइब्रिड मोडल' मा सञ्चालन गर्न सकिन्छ/सकिँदैन भन्ने कुरा बैठकको एजेन्डा रहेको खबरमा उल्लेख छ । प्रतियोगिताको अपेक्षित शुरुआत हुन एक सय दिनभन्दा कम समय बाँकी छ ।

आयोजक पाकिस्तान क्रिकेट बोर्ड (पीसीबी) ले च्याम्पियन्स ट्रफी आयोजनाका लागि आउँदो फेब्रुअरी १९ देखि मार्च ९ सम्मको समय निर्धारण गरेको छ । यद्दपि आईसीसीले अहिलेसम्म तालिका सार्वजनिक गरेको छैन । प्रतियोगिताका लागि भारत सरकारले भारतीय टोलीलाई पाकिस्तान भ्रमणको अनुमति नदिएको भारतीय क्रिकेट कन्ट्रोल बोर्ड (बीसीसीआई) ले आईसीसीलाई जानकारी दिएको छ ।

सन् २०२१ नोभेम्बरको प्रतियोगिताको आयोजनाका लागि पाकिस्तानले अधिकार पाएको थियो र पाकिस्तान लाहोर, कराँची र रावलपिन्डीमा प्रतियोगिता आयोजना गर्न दृढ छ ।

गएको वर्ष पनि भारतले एशिया कपका लागि पाकिस्तान जान अस्वीकार गरेपछि पाकिस्तान र श्रीलङ्कामा 'हाइब्रिड' मोडलमा प्रतियोगिता आयोजना गर्नुपरेको थियो ।

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भन्सार महसुल घटेसँगै सुनकाे भाउ एकैदिन तोलामा १५ हजार नौ सय रुपैयाँले घट्यो

२

चितवन दुर्घटना अपडेट : ज्यान गुमाएका दुवै जनाको पहिचान खुल्यो

३

मानव तस्करीको अभियोगमा पक्राउ परेका कोशी प्रदेशका पूर्वमन्त्री अधिकारीविरुद्ध मुद्दा नचल्ने

४

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अङ्गकोर सीधा हवाई उडान शुरू गर्न पहल

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई