आज कतारको राष्ट्रिय दिवस मनाइँदै

पुष ३, २०८१ बुधबार ८:४२:३९ | उज्यालो सहकर्मी

काठमाण्डौ – नेपालको मुख्य श्रम गन्तव्य देश कतारले आज आफ्नो राष्ट्रिय दिवस मनाइँदैछ । कतारको राष्ट्रिय दिवसमा त्यहाँका संस्थापक शेख जसिम बिन मोहम्मद बिन थानीले गरेको कतार एकीकरणको रुपमा स्मरण गरिन्छ ।

संस्थापक थानीले आधुनिक कतार राज्यको अवधारणा ल्याएर एकीकृत, एकताबद्ध र स्वतन्त्र राज्य बनेको विश्वास छ । यो सन् १८७८ डिसेम्बर १८ तारिखमा भएको थियो । कतारको राष्ट्रिय दिवस देशभित्र तथा विभिन्न देशमा रहेका राजदूतावासले पायक पर्ने समयमा भब्यताका साथ मनाउने गरेका छन् ।

कतारको राष्ट्रिय दिवसका अवसरमा नेपालमा रहेको कतारी राजदूतावासले काठमाण्डौमा विभिन्न कार्यक्रमको आयोजना गरेको छ । रात्रिभोजमा उपस्थित नेपालका उपराष्ट्रपति रामसहायप्रसाद यादवले कतारी नागरिकलाई राष्ट्रिय दिवसको अवसरमा शुभकामना व्यक्त गर्नुभएको छ ।

कार्यक्रममा नेपालका लागि कतारी राजदूत मिशाल विन मोहमद अलअन्सारी पनि सहभागी हुनुहुन्थ्यो । उहाँले नेपाल र कतारबीच बलियो कूटनीतिक सम्बन्ध रहेको र यो सम्बन्ध थप प्रगाढ हुने विश्वास व्यक्त गर्नुभयो ।

राजदूत अलअन्सारीले कतारको विकास र समृद्धिमा नेपाली कामदारले पुर्‍याउँदै आएको योगदानको चर्चा पनि गर्नुभयो । यसै वर्षको अप्रिलमा कतारका अमिरले नेपालको ऐतिहासिक भ्रमणसमेत गर्नुभएको थियो । दुई देशका सरकारबीच सहयोगका लागि आठ समझदारीपत्र र सम्झौतामा हस्ताक्षर भएको साक्षी बनेको उहाँले जानकारी दिनुभयो ।

अहिले कतारमा झण्डै चार लाखको सङ्ख्यामा नेपाली कामदार छन् । कतारमा काम गर्ने विदेशी नागरिकमध्ये नेपालीको यो सङ्ख्या दोस्रो ठूलो मानिन्छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्