चितवनकाे कृषि मेलामा मानव र वन्यजन्तु द्वन्द्वका बारेमा बहस

पुष ३, २०८१ बुधबार ९:३३:३९ | उज्यालो सहकर्मी

काठमाण्डौ – कृषि तथा वन विज्ञान विश्वविद्यालय रामपुर, चितवनमा चलिरहेको कृषि प्रदर्शनी तथा कृषक मेलामा मानव र वन्यजन्तु द्वन्द्वका विषयमा बहस गरिएको छ ।

चितवन राष्ट्रिय निकुञ्ज प्रमुख गणेश पन्त, कृषि तथा वन विज्ञान विश्वविद्यालयको वन सङ्कायका प्राध्यापक वासुदेव पोखरेल, डिभिजन वन कार्यालय चितवनका प्रमुख थिरबहादुर कार्की बहसकर्ता हुनुहुन्थ्यो । बहसका क्रममा वक्ताहरुले राष्ट्रिय वन घट्दै र निजी वन बढ्दै जानु पनि मानव वन्यजन्तु द्वन्द्वको एउटा कारण रहेको बताउनुभएको छ ।

विशेषगरी बसाइँसराइका कारण पहाडी क्षेत्रमा जग्गा बाँझो हुने र जङ्गल बन्ने गरेका कारण मानव वन्यजन्तुबीच द्वन्द्व बढ्दै गएको उहाँहरुको भनाइ छ । पहाडी क्षेत्रमा बाँदरले आतङ्क मच्चाएको बताउँदै विज्ञले यसबाट जोगिन तत्कालका लागि बाँदरले मन नपराउने बालीको खेती गर्नुपर्नेमा जोड दिएका छन् ।

त्यस्तै जङ्गलमा बाँदरले मन पराउने बोटबिरुवा रोप्नुपर्ने उहाँहरुको सुझाव छ । सकेसम्म जग्गा बाँझो नराख्नेतर्फ ध्यान पुर्‍याउनुपर्नेमा जोड दिइएको छ । त्यस्तै छरिएर रहेका बस्तीलाई एकिकृत गराउन सके पनि मानव वन्यजन्तु द्वन्द्वमा कमी ल्याउन सकिने विचार व्यक्त गरिएको छ ।

चितवन राष्ट्रिय निकुञ्जमा समस्या ग्रस्त जनावरलाई निगरानी गर्नका लागि स्याटेलाइट, ड्रोन तथा क्यामेरा ट्रयापिङ्गको प्रयोग गरिएको र यस्ता प्रविधिलाई अझ प्रभावकारी बनाउनपर्ने उहाँहरुको भनाइ छ । गएको मङ्सिर २९ गतेदेखि शुरू भएको कृषि प्रदर्शनी एवम् कृषक मेला आज सकिँदैछ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्