प्रियंकामाथि विवाहमा जनावरको दुरुपयोग गरेको आरोप

मंसिर १८, २०७५ मंगलबार ७:२६:५९ | उज्यालो सहकर्मी

विवाहमा धमाकेदार आतिसवाजी पछि सामाजिक संजालमा ट्रोल भइरहेकी प्रियंका यतिबेला अर्को झमेलामा परेकी छिन् । भारतमा जनावरहरुको अधिकारको क्षेत्रमा काम गर्ने संस्था पेटाले प्रियंका र निकको विवाहमा जनावरहरुको प्रयोग गरेको आरोप लगाएको छ ।

अभिनेत्री प्रियंका चोपडा र निक जोनसको विवाह भइसकेको छ । भारतको जोधपुरमा रहेको उम्मेद भवन प्यालेसमा डिसेम्बर १ र २ मा क्रिश्चियन र हिन्दु परम्परा अनुसार विवाह भएको हो ।

पेटाले उसको आधिकारिक ट्वीटरमार्फत लेखेको छ ‘प्रिय प्रियंका र निक, विवाहमा प्रयोग गरिने हात्ती र घोडालाई मानिसहरुले प्रयोग गर्न अस्वीकार गरिसकेका छन् । विवाहको शुभकामना ! तर हामीलाई दुःख लागेको छ, किनकी तपाईंहरुको विवाहको दिन तपाईंहरुले जनावरहरुलाई निकै नै दुख दिनुभयो ।’

साथै पेटाले प्रियंका र निकको विवाहमा पटाका पड्काएर गरिएको आतिसबाजीले जनावरहरुको मानसिक सन्तुलनमा असर परेको र जनावरमाथि अत्याचार गरेको आरोप पनि लगाएको छ । निक जोनस विवाहका दिन घोडा चढेर विवाहस्थल पुगेका थिए ।

जोधपुरबाट मुम्बई फर्किए प्रियंका र निक

अभिनेत्री प्रियंका चोपडा र निक जोनस जोधपुरबाट मुम्बई फर्किएका छन् ।

एयरपोर्टमा लिइएका तस्बिरमा प्रियंका विवाह पछि सिउँदोमा सिन्दुर, हातमा चुरा र गलामा मंगलसुत्रका साथ हरियो सारीमा सजिएकी थिइन् भने उनका पति निक जोनस क्याजुअल ड्रेसमा थिए । यो जोडीले केही दिनमा दिल्ली र मुम्बईमा भब्य रिसेप्सन आयोजना गर्नेछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्