पुलिसलाई साेझाे सेटमा हराउँदै न्यु डायमन्ड 'टाइगर कप' भलिबलकाे दाेस्राे क्वालिफायरमा

माघ १७, २०८१ बिहीबार १२:४९:४७ | उज्यालो सहकर्मी

काठमाण्डाै – नेपाल पुलिस क्लबलाई हराउँदै न्यु डायमन्ड स्पोर्ट्स क्लब टाइगर कप राष्ट्रिय तथा अन्तर्राष्ट्रिय क्लब च्याम्पियनशिपको महिलातर्फ दोस्रो क्वालिफायरमा पुगेको छ ।

पोखरा रङ्गशालाको भलिबल कोर्टमा आज भएको इलिमिनेटरमा न्यु डायमन्डले पुलिसलाई ३–० को सोझो सेटमा हरायो । न्यु डायमन्डले पहिलो सेट २५–२२, दोस्रो सेट २५–१४ र तेस्रो सेट २५–२१ ले जित्यो । न्यु डायमन्डले अब फाइनल पुग्न सशस्त्र प्रहरी बलको एपीएफ क्लब र आयोजक टाइगर ग्रुपबीचको खेलमा हार्ने टोलीसँग प्रतिस्पर्धा गर्नेछ ।

टाइगर कप भलिबलमा अहिले पुरुषतर्फ त्रिभुवन आर्मी क्लब र भारतको सुनिल भलिबल क्लब खेलिरहेका छन् । यो खेल समय अभावका कारण हिजो स्थगित हुँदा आज खेलाइएको हो । यो खेलपछि क्वालिफायर र इलिमिनेटर खेल्ने टोलीको टुङ्गो लाग्नेछ ।

आजै तेस्रो खेलमा पुरुषतर्फ गण्डकी प्रदेश र हेल्प नेपाल स्पोर्ट्स क्लब खेल्दैछन् । यो खेलको विजेता इलिमिनेटरमा पुग्नेछ । टाइगर ग्रुप अफ पोखरा नेपालको आयोजनामा भइरहेको प्रतियोगिता आउँदो आइतवार माघ २० गतेसम्म चल्नेछ ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्