आज नेपालगञ्ज र धनगढीको तापक्रम सबैभन्दा धेरै हुने

माघ २१, २०८१ सोमबार १२:५:२० | उज्यालो सहकर्मी

काठमाण्डौ – आज नेपालगञ्ज र धनगढीको तापक्रम सबैभन्दा धेरै हुने मौसम पूर्वानुमान महाशाखाले जनाएको छ ।

महाशाखाका अनुसार दुवै ठाउँको तापक्रम २६ देखि २८ डिग्री सेल्सियससम्म पुग्ने अनुमान छ । यस्तै दिपायल, दाङको घोराही र भैरहवाको तापक्रम २५ देखि २७ डिग्री सेल्सियससम्म पुग्न सक्ने अनुमान छ ।

वीरेन्द्रनगर र विराटनगरको तापक्रम २४ देखि २६, सिमरा र जनकपुरको तापक्रम २३ देखि २५ तथा पोखरा र धरानको तापक्रम २२ देखि २४ डिग्री सेल्सियसम्म पुग्न सक्ने महाशाखाले जनाएको छ ।

महाशाखाका अनुसार आज देशभरको मौसम सामान्यतया सफा रहे पनि भोलि गण्डकी प्रदेश, लुम्बनी प्रदेश, कर्णाली प्रदेश र सुदूरपश्चिम प्रदेशका केही ठाउँमा हल्का वर्षा र हिमपात हुनेछ ।

भोलि अरु प्रदेशमा भने आंशिक बदली रहनेछ । मधेश प्रदेश तथा कोशी प्रदेशका तराईका धेरै ठाउँहरुमा लागेको हुस्सु र कुहिरो मध्याह्नपछि क्रमिक रुपमा सुधार हुने र बाँकी तराईका केही ठाउँहरुमा मध्यान्नसम्ममा सुधार हुने सम्भावना रहेको महाशाखाले जनाएको छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्