रुप फेर्दै रोल्पा

मंसिर १८, २०७५ मंगलबार १९:२७:२४ | माधवकुमार ओली

रोल्पा – नेपालमा चलेको १० वर्षे सशस्त्र द्वन्द्वबाट सबैभन्दा बढी प्रभावित रोल्पाको भौतिक विकासको स्वरुप फेरिँदै गएको छ ।

शान्ति प्रक्रिया सुरु भएसँगै भौतिक विकासबाट रोल्पाका नागरिकले आधारभूत आवश्यकता पूरा गर्न थालेका छन् । नागरिकका शिक्षा, स्वास्थ्य, यातायात, सडक सञ्जाल जस्ता भौतिक विकासका आधारभूत आवश्यकता पूरा हुँदै गएका छन् ।

रोल्पाका गाउँ–गाउँमा लघु जलविद्युत र झिमरुकको विद्युत मार्फत उज्यालो छाएको छ । रोल्पाका सबै ठाउँमा पछिल्लो समयमा सडक सुविधा पुगेपछि टाढाबाट स्थानीयले सामान बोकेर गुजारा गर्नुपर्ने बाध्यता हटेको छ ।

‘पहिलो दाङ र लिबाङबाट सामान बोक्नुपर्ने थियो’, थबाङ गाउँपालिकाका स्थानीय बमबहादुर रोकाले भन्नुभयो, ‘अहिले त गाउँमै सडक पुगेकाले त्यस्तो समस्या छैन् ।’

भौतिक विकास सँगसँगै अब रोल्पामा सांस्कृतिक विकास, सामाजिक विकास, आर्थिक विकास, स्वरोजगारमुकल कार्यक्रम, गरिबी निराकरण र स्थानीयलाई आत्मनिर्भर बनाउने किसिमका कार्यक्रम रोल्पामा सञ्चालन गर्नुपर्ने स्थानीय बुद्धिजीवी बताउँछन् ।

मानव विकास सूचाङ्कमा रोल्पा ६५ औं स्थानमा रहेकाले अब भौतिक विकाससँगै आर्थिक तथा सामाजिक विकासमा सरकारले ध्यानदिनुपर्ने प्राध्यापक गोकर्णप्रसाद पुनले बताउनुभयो ।

स्थानीय सरकारले गाउँगाउँमा रोजगारीका प्रशस्त अवसरहरु दिन सके रोजगारीका लागि पलायन युवा रोकेर जिल्लाको विकास गर्न सकिने पुनको भनाई छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्