छायांकन नसकिँदै ‘दालभात तरकारी’को विदेशबाट आयो ‘डिमाण्ड’

मंसिर २४, २०७५ सोमबार १४:२०:११ | उज्यालो सहकर्मी

काठमाडौं - कलाकार किरण केसी र मह संचारले संयुक्त रुपमा निर्माण गर्न लागेको चलचित्र दाल भात तरकारीको यतिबेला छायांकन भइरहेको छ । चलचित्रको क्लाइमेक्सको छायांकन सम्पन्न भएको निर्माता किरण केसीले बताए ।

हालसम्ममा चलचित्रको करिब ३५ प्रतिशत छायांकन सम्पन्न भएको बताइएको छ । चलचित्रमा समावेश एउटा गीतको छायांकन पनि सकिएको निर्माता केसीले बताए । मिना निरौलाको स्वरमा रहेको गीतमा प्रियंका कार्कीले आइटम नृत्य देख्न सकिने छ ।

गीतको छायांकन चितवनको नारायणी रिसोर्टमा ३ रात लगाएर सम्पन्न गरिएको बताइएको छ । गीतमा कविराज गहतराजको कोरियोग्राफी रहेको छ । यतिबेला काठमाण्डौंको बुढानिलकण्ठमा चलचित्रको छायांकन भइरहेको निर्माता केसीले बताए ।

निर्माता केसीका अनुसार छायांकनको आधा काम नसकिँदै अष्ट्रेलिया, अमेरिका, लण्डन, जापान, कतार लगायतका देशहरुबाट चलचित्र प्रदर्शनीका लागि माग भएको छ । चलचित्र २०७६ को बैशाख १३ गतेदेखि प्रदर्शनमा आउने बताइएको छ ।

रमिला आचार्य, यमन श्रेष्ठ, नरेन्द्र कंशाकार, शिवहरि पौडेल, राजाराम पौडेल, दीर्घ गुरुङ, अनुरागमान सिंह कुँवर, शिशिर वाङ्देल, विल्सनविक्रम राई, दिपेन्द्र खनियाँ र सुमित मैनाली चलचित्रका निर्माता हुन् ।

चलचित्रमा हरिवंश आचार्य, मदनकृष्ण श्रेष्ठ, निरुता सिंह, प्रियंका कार्की, पुष्प खड्का, आँचल शर्मा, वर्षा राउत, किरण केसी, शिवहरि पौडेल, राजाराम पौडेल, बसुन्धरा भूषाल, सन्दिप क्षेत्री, यमन श्रेष्ठ, मोहितवंश आचार्य, जयनन्द लामा, शिशिर वाङ्देल, विल्सनविक्रम राई, सुरेन्द्र केसी लगायतका कलाकारहरुको अभिनय रहेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्