इलाका प्रशासन कार्यालय २ महिनादेखि प्रमुख विहीन

जेठ ३१, २०७५ बिहीबार ९:४०:४६ | पुरुषोत्तम गिरी

सल्यान – बागचौर नगरपालिकामा रहेको इलाका प्रशासन कार्यालय दुई महिनादेखि प्रमुख विहीन बनेको छ । यस अघि कार्यालय प्रमुख रहेका नारायणप्रसाद रेग्मीको सरुवा भएपछि नयाँ कार्यालय प्रमुख नआएको प्रशासन स्रोतले जनाएको छ ।

कार्यालयमा लामो समय देखि प्रमुख नहुँदा सेवाग्राही मर्कामा परेका छन् । सबैभन्दा बढी कार्यालयबाट नागरिकता लिन आउनेहरु प्रत्यक्ष मारमा परेका छन् । इलाका प्रशासनबाट सहजै पाइने नागरिकता लिन सदरमुकाममा रहेको जिल्ला प्रशासन कार्यालयमा धाउनु पर्ने बाध्यता रहेको सेवाग्राहीको गुनासो छ ।

यस्तै कार्यालयका कर्मचारीले पनि दुई महिना देखि तलब खान नपाएको गुनासो छ । कार्यालयका एक कर्मचारीले भन्नुभयो, हाकिम साब नआउँदा दुई महिनाको तलब समेत खान पाएका छैनौँ ।’

आफ्नाे समस्या छँदै छ यता कार्यालयमा नागरिकतालगायतका सेवा लिन आउनेले समेत प्रश्न गर्न थालेको उहाँले बताउनुभयो । कार्यालयमा प्रमुख विहिन हुँदा काम गर्न समेत समस्या भएको कार्यालय प्रशासनको भनाइ छ ।

यता प्रमुख जिल्ला अधिकारी परमानन्द घिमिरेले इलाका प्रशासन कार्यालय सल्यानबाट कार्यालय प्रमुखको सरुवा भए लगत्तै कर्मचारी पठाइ दिने भनेर गृहमन्त्रालयमा ताकेता गरेको जानकारी दिनुभयो । उहाँले भन्नुभयो ‘ईलाका प्रशासन कार्यालयबाट सेवा लिन आउने सेवाग्राहीलाई समस्या भएको मैलै पनि महशुस गरेको छु ।’

अबको केही दिन भित्रै कर्मचारी पठाउने प्रयास रहेको जानकारी मन्त्रालयले गराएको उहाँले जानकारी दिनुभयो । कर्मचारीले तलब नपाएकाले मर्कामा परेका छन् अब पनि कार्यालय प्रमुख नआउँदा कसरी मिलाउनु हुन्छ ? भन्ने प्रश्नको जवाफ दिंदै प्रमुख जिल्ला अधिकारी घिमिरेले यस समस्याको समाधान तत्कालै गर्न सकिने बताउनुभयो ।

इलाका प्रशासन कार्यालयमा कार्यरत कर्मचारीले दुई महिना देखि नपाएको तलब अब एक – दुई दिनभित्रै पाउने व्यवस्था मिलाउने उहाँले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्