पर्यटक आगमनमा रेकर्ड ब्रेक, ११ महिनामा १० लाख पर्यटक नेपालमा

मंसिर २७, २०७५ बिहीबार १६:२०:५७ | उज्यालो सहकर्मी

काठमाडौं – नेपाल आउने पर्यटकको संख्यामा नयाँ रेकर्ड बनेको छ ।

सन् २०१८ को ११ महिनामा १० लाख १ हजार ९ सय पर्यटक नेपाल आएको नेपाल पर्यटन बोर्डले जनाएको छ । यो संख्या सन् २०१७ को तुलनामा १७ प्रतिशतले बढी हो ।

यो संख्यामा अक्टोबर र नोभेम्बर महिनामा स्थलमार्ग हुँदै नेपाल आउने पर्यटक समावेश गरिएको छैन । स्थलमार्ग हुँदै आएका पर्यटकको संख्या पनि जोड्दा पोहोरको ११ महिनाको तुलनामा यो वर्ष नेपाल आउने पर्यटकको संख्या २३ प्रतिशतले बढ्ने बोर्डले जनाएको छ ।

नेपाल आउने पर्यटकमध्ये सबैभन्दा धेरै भारतीय रहेका छन् । ११ महिनामा २ लाख ६० हजार एक सय २४ पर्यटक नेपाल आएका छन् । त्यस्तै नेपाल आउनेमध्ये चिनियाँ पर्यटक पनि उल्लेख्य छन् । गएको ११ महिनामा १ लाख ३४ हजार ३ सय ६२ चिनियाँ पर्यटक नेपाल घुम्न आएका छन् ।

यस्तै युरोपेली देशबाट नेपाल आउने पर्यटकको संख्या २ लाख २४ हजार २ सय ६ रहेको छ ।

यस वर्ष नेपाल आउने अमेरिकी पर्यटक पनि बढेका छन् । अक्टोबर महिनामा ११ हजार ५ सय १७ र नोभेम्बरमा ९ हजार एक सय ९३ जना पर्यटक नेपाल आएका छन् । सन् २०१८ को ११ महिनामा ८२ हजार ८ सय ७० जना अमेरिकी पर्यटक नेपाल आएका नेपाल पर्यटन बोर्डले जनाएको छ । यो अवधिमा ३३ हजार ५ सय २८ जना अष्ट्रेलियन पर्यटक नेपाल आएका छन् ।

नेपाल विश्वकै प्रमुख पर्यटकीय गन्तव्य बन्छ : सीईओ जोशी

नेपाल पर्यटन बोर्डका प्रमुख कार्यकारी अधिकृत दीपकराज जोशीले सन् २०१८ को ११ महिनामा नेपाल आएका पयर्टकको संख्याले उत्साहित बनाएको बताउनुभएको छ । यो संख्याले नेपाल अब विश्वकै पर्यटकीय गन्तव्य बन्दै गरेको संकेत मिलेको पनि जोशीको दावी छ ।

बोर्डले थप कार्यक्रम बनाएर यो संख्या आउँदो वर्ष झनै बढाउने र सन् २०२० मा २० लाख पर्यटक नेपाल आउने उहाँको दावी छ ।

कुन देशका कति पर्यटक आए ?

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पर्यटक आगमनमा रेकर्ड ब्रेक, ११ महिनामा १० लाख पर्यटक नेपालमा

फाइल फाेटाे

तपाईको प्रतिक्रिया