धादिङ–मकवानपुरको सीमा क्षेत्रबाट हतियारसहित ५ सय किलोग्राम गाँजा बरामद

मंसिर २८, २०७५ शुक्रबार १९:२०:५१ | सिताराम अधिकारी

धादिङ – धादिङ र मकवानपुरको सीमा क्षेत्रमा शुक्रबार प्रहरीको संयुक्त टोलीले छापा मारेर ठूलो परिणाममा प्रतिबन्धित गाँजा र हतियारसहित तीनजनालाई पक्राउ गरेको छ ।

जिल्ला प्रहरी कार्यालय धादिङ, जिल्ला प्रहरी कार्यालय मकवानपुर र ३ नम्बर प्रदेश प्रहरीको संयुक्त प्रहरी टोलीले मकवानपुरसँग सीमा जोडिएको बेनिघाट रोराङ गाउँपालिका वडा नम्बर २ ओवाङमा छापा मार्दा चार नाल भरुवा बन्दुक, एक नाल बारबोरको बन्दुक र २२ ओटा बोरामा अन्दाजी ५ सय किलोग्राम गाँजा बरामद गरेको जिल्ला प्रहरी प्रमुख प्रहरी उपरीक्षक डम्बरबहादुर बिकले बताउनुभयो ।

प्रहरी निरीक्षक नवराज ढुंगेलको कमाण्डमा प्रहरीले विषेश सूचनाको आधारमा सर्च अभियान सञ्चालन गरेको थियो । प्रहरीले बेनिघाट रोराङ गाउँपालिका वडा नम्बर २ ओवाङका ४० वर्षीय ठूलोकान्छा तामाङ, ३० वर्षीय सानोकान्छा तामाङ र चितवन जिल्ला इच्छाकामना गाउँपालिकाका वडा नम्बर ७ का ४० वर्षीय गुञ्जबहादुर घलानलाई पक्राउ गरेको छ ।

ठूलोकान्छाको घरबाट दुई नाल भरुवा बन्दुक, एक नाल बारबोरको बन्दुक र सानोकान्छाको घरबाट एक नाल भरुवा बन्दुक, १० बोरा गाँजा बरामद गरिएको प्रहरीले जनाएको छ । यस्तै ओवाङ निवासी दिलबहादुर घलानको घरबाट एक नाल भरुवा बन्दुक र १२ बोरा गाँजा बरामद गरेको प्रहरीले जानकारी दिएको छ । दिलबहादुरलाई भने पक्राउ गरेको छैन ।

पक्राउ गरिएका तीनजनासँगै बरामद लागुऔषध र हातहतियार जिल्ला प्रहरी कार्यालय लगिएको छ । घटनाको सम्बन्धमा अनुसन्धान भइरहेको प्रहरी उपरीक्षक बिकले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्