खाजाका लागि विद्यार्थी भोकै विद्यालय, विद्यालयको हालत पनि उस्तै

पुष ३, २०७५ मंगलबार ११:०:५७ | सिताराम अधिकारी

धादिङ – घरमा खानेकुरा नभएर बाबुआमा काममा गएपछि बालबालिका भोकभोकै विद्यालय जान थालेको दुई महिना भयो । दक्षिणी धादिङको बेनिघाट रोराङ गाउँपालिका वडा नं. २ चोतेस गाउँमा रहेका चेपाङ बालबालिकाहरु यसरी भोकभोकै विद्यालय जाने गरेका हुन् ।

यहाँका बासिन्दालाई खाने अन्नले दुई तीन महिनामात्र पुग्छ । बालबालिकालाई विद्यालयले खाजा खुवाउने भएकोले बाबुआमाले छोराछोरीलाई भोकै विद्यालय पठाएर काममा जाने गरेको बागेश्वरी आधारभुत विद्यालयका प्रधानाध्यापक बुद्धिमाया तामाङले बताउनुभयो ।

गाउँको मात्र होइन, विद्यालयको अवस्था पनि उस्तै छ ।

भूकम्पले विद्यालय भत्काएपछि एउटा कोठामा सबै विद्यार्थीलाई राखेर पढाउन थालिएको छ । कुचुक्क परेको सानो कोठा । चेपाङ समुदायका सबै बालबालिका नांगै खुट्टा विद्यालय आउने गर्छन् । चारवटा कक्षाका विद्यार्थी एउटै कोठामा चारतिर फर्केर बस्छन् । दुई शिक्षक एकैपटक कोठामा जान्छन् । आफ्नो विषय पढाएर फर्कन्छन् ।

कक्षाकोठाको अभावका कारण एकै ठाउँमा सबै कक्षाका बालबालिकालाई राखेर पढाउनुपर्ने बाध्यता रहेको प्रधानाध्यापक तामाङले बताउनुभयो । एकै कोठामा धेरै कक्षाका विद्यार्थी राख्दा सिकाइ क्रियाकलाप प्रभावकारी नहुने उहाँको भनाइ छ ।

विद्यालयमा न त भूकम्प प्रतिरोधी भवन नै छ, न त अपाङ्गमैत्री लैङ्गिक मैत्री कक्षाकोठा नै । विद्यालय हाता साँघुरो छ, न खेलमैदान न त शौचालय नै छ । भएको भवन पनि कच्ची छ, बाल शिक्षादेखि कक्षा ३ सम्म ५५ जना विद्यार्थीहरु रहेको यस विद्यालयमा सरकारी दरबन्दीका शिक्षकहरु छैनन् ।

चेपाङ्ग बालबालिका मात्र पढ्ने यस विद्यालयमा गाउँपालिकाको अनुदानमा एक जना शिक्षक राखिएको छ भने गाउँलेहरुले आर्थिक श्रोत जुटाएर अर्का एक शिक्षक राखेका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्