बिहे गर्न लगेर प्रेमिकाको घाँटी रेटेपछि...

पुष ३, २०७५ मंगलबार १८:४१:२९ | प्रकाश धौलाकोटी

तेह्रथुम – तेह्रथुमको छथर गाउँपालिका–१, मार्गापोखरी नजिकै प्रेमिकालाई खुकुरीले घाँटी रेटेर फरार भएका एक व्यक्तिलाई प्रहरीले पक्राउ गरेको छ ।

प्रहरीले धनकुटाको छथर जोरपाटी गाउँपालिका–३, का ४५ वर्षीय लीलाबहादुर भण्डारीलाई मंगलबार दिउँसो लुमुघाटबाट पक्राउ गरेको हो । भण्डारीले प्रेमिका छथर गाउँपालिका–२, कि ३० वर्षीया नमुना बोहराको घाँटी रेटेर फरार भएका थिए । बेहोस अवस्थामा फेला परेकी प्रेमिका नमुनालाई सोमबार स्थानीयले फेला पारेर उपचारका लागि वीपी कोइराला स्वास्थ्य विज्ञान प्रतिष्ठान धरान पुर्‍याएका छन् ।

प्रहरीका अनुसार बोहरा र भण्डारी आइतबार राति डङडङेस्थित कमल शेर्पाको घरमा बास बसेका थिए । बिहान उठेर मार्गापोखरी धाममा दर्शन गर्न गएका थिए । लामो समयदेखि प्रेम सम्बन्धमा रहेका उनीहरु एकआपसको सल्लाहमै विवाह गर्ने गरी गएको प्रहरीको भनाइ छ ।

घाँटी रेटेर बेहोस् रहेकी महिलासँगै युवतीको झोला, युवकको चप्पल, र झोलामा सिन्दुर पोते समेत फेला परेको थियो । प्रेमी भण्डारीलाई जिल्ला प्रहरी कार्यालयमा अनुसन्धानको क्रममा राखिएको प्रहरी निरीक्षक नारायणप्रसाद गौतमले बताउनुभयो ।

प्रेमी भण्डारी विवाहित छन् भने महिला अविवाहित रहेको खुलेको छ । घाँटीमा गम्भीर चोट लागेकी बोहराको अहिले उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बिहे गर्न लगेर प्रेमिकाको घाँटी रेटेपछि...

प्रतिकात्मक तस्बिर

तपाईको प्रतिक्रिया