एसियाली र अफ्रिकी फुटबलको प्रतिनिधित्व गर्दै इरान र मोरक्को

असार १, २०७५ शुक्रबार ११:२६:५२ | उज्यालो सहकर्मी

विश्वकप फुटबल २०१८ अन्तर्गत समूह बी को पहिलो खेलमा इरान र मोरक्को खेल्दैछन् । युरोपका दुई पावरहाउस स्पेन र पोर्चुगल रहेको यो समूहमा दुवै टिम यो खेल जित्ने टोलीले महत्वपूर्ण ३ अंक बटुल्दै अर्को चरणको यात्रा तय गर्ने धुनमा हुनेछन् । सेन्ट पिटर्सबर्गमा हुने यो खेल जित्दै इरान र मोरक्को मध्ये एक टिम नकआउट चरणमा पुगे स्पेन र पोर्चुगलमध्ये एउटा टिम समूह चरणबाटै बाहिरिनेछ ।

छनोट प्रतियोगितामा दुबै टिमले प्रभावशाली प्रदर्शन गरेका थिए । छनोट चरणमा आठ खेल खेलेको मोरक्कोले एक गोलमात्र खाएको थियो भने इरानले खेलेका १८ खेलमा ५ गोलमात्र खाएको थियो ।

जियच भर्सेस तारेमी

सन् १९९८ पछि पहिलोपटक सहभागिता जनाएको मोरक्कोको टिममा आत्मविश्वाससँगै प्रतिभाको कमी छैन । मोरक्कोमा हाकिम जियच सबैभन्दा प्रभावशाली खेलाडी मानिन्छन् । नेदरल्याण्डमा जन्मिएका जियचले अघिल्लो सिजन ९ गोल गरेका थिए भने १५ गोलका लागि मौका सिर्जना गरिएका थिए । छनोट चरणमा उनले २ गोल र २ एसिस्ट गरेका थिए । खालिद बउतेब मोरक्कोका अर्का प्रतिभाशाली खेलाडी हुन् । उनले विश्वकप छनोटमा चार गोल गरेका थिए ।

इरानबाट मेहदी तारेमीले २६ खेलमा ११ गोल गरेका छन् । २५ वर्षीय यी फरवार्डले तीन पटकको एसियाली च्याम्पियनलाई विश्वकपको सर्वाधिक सफलता दिलाउन महत्वपूर्ण भूमिका खेल्ने अपेक्षा धेरैको छ ।

विश्वकपमा इरान र मोरक्को पहिलो पटक खेल्न लागेका हुन् । दुबै टिमले अहिलेसम्म विश्वकपको समूह चरण पार गर्न सकेका छैनन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्