नदी थुनेर निमार्ण गरिएका सबै कल्भर्ट हटाइने

पुष ११, २०७५ बुधबार १३:३८:१२ | दीपक भट्ट

रामेछाप – बगिरहेको नदीलाई बालुवा व्यवसायीहरुले ठाउँ–ठाउँमा थुन्ने र हिमपाइप हालेर नदीको धार परिर्वतन गर्ने कामले रामेछापमा तीव्रता पाएको छ ।

प्रशासन कार्यालयको अनुमति बेगर बगिरहेको नदीको बहाव नै परिर्वतन गरी तामाकोशी र सुनकोशी नदी थुन्ने, हिमपाइप राखी नदी पारीको वालुवा चोरी निकासी गर्ने जस्ता कामहरु बढ्दै गएपछि जिल्ला प्रशासन कार्यालयले निगरानी बढाएको छ । यसअघि नदीमा राखिएका सबै हिमपाइपहरु हटाउने अभियानमा आफूहरु लागेको जिल्ला प्रहरी कार्यालय रामेछापका प्रहरी नायव उपरीक्षक अमरेन्द्रबहादुर सिंहले जानकारी दिनुभयो ।

उनले भने, ‘कानुन त कुनै पनि नदीको धार परिर्वतन गर्न पाइँदैन । न त आफूखुशी नदीमा हिमपाइप नै राख्न पाइन्छ । अहिले कोशी नदी किनारमा सुनकोशी नदी र तामाकोशी नदीमा धेरै स्थानमा बालुवा प्रशोधन केन्द्र खोल्ने होडबाजी चलेसँगै नदीको बहाव परिर्वतन गरेको गुनासो आएपछि ती सबै स्थानको अनुगमन गरी कोशीमा राखिएको हिमपाइप हटाउने अभियानमा लागेको पनि उपरीक्षक सिंहले बताउनुभयो ।

अहिले रामेछापको खाँडादेवी गाउँपालिका वडा नम्बर १ अन्तर्गत कोथवे, वेलघारी लगायतका स्थानमा हिमपाइप राखिएको छ । कोशी किनारमा बालुवा प्रशोधन केन्द्र राखेसँगै जहाँ–जहाँ वालुवा र रोडा धेरै मात्रामा छ, त्यही स्थानमा व्यवसायीहरुले कोशी थुन्ने र हिमपाइप राख्ने काम गर्दै आएका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्