मनाङको मौसम : रातभर हिमपात, दिउँसो घाम (फोटो फिचर)

पुष १३, २०७५ शुक्रबार १८:५४:५७ | श्यामशितल परियार

लमजुङ – हिमाली जिल्ला मनाङमा हिमपात भएको छ । चिसो बढेसँगै मनाङमा हिमपात भएको हो ।

मनाङमा बिहीबार दिउँसो एक बजेदेिख हिमपात पर्न थालेको स्थानीय सञ्चारकर्मी नेगम परियारले जानकारी दिनुभयो ।

उहाँका अनुसार बिहीबार दिउँसोदेखि पर्न थालेको हिमपात शुक्रबार बिहान रोकिएको हो ।

माथिल्लो मनाङको ढुकुरपोखरी, पिसाङ, ङावल, घ्यारु, उपर मनाङ, खाङ्सार र टंकी मनाङलगायतका ठाउँमा रातभर भारी हिमपात परेको उहाँले बताउनुभयो ।

शुक्रबार दिउँसो भने मनाङमा घाम लागेको उहाँले बताउनुभयो । उहाँका अनुसार मनाङमा चिसो हावाहुरी चलेको छ । चिसो बढेको छ । चिसोका कारण जनजीवन प्रभावित भएको छ । स्थानीय घरभित्रै ढोका थुनेर बसेका छन् ।

‘मनाङमा हावाहुरी चलेको छ । चिसो छ । हामी कोठाभित्रै कोइला चुल्होमा आगो तापेर बसेका छौँ’, नेगमले भन्नुभयो, ‘अहिले मनाङको चामेको तापक्रम माइनस १६ डिग्री सेल्सियस पुगेको छ ।’ उहाँका अनुसार हिमपात हुनुपूर्व चिसो हुरी चल्छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्