हेटौंडामा चल्यो साझा यातायात

असार २, २०७५ शनिबार ११:४७:३६ | हरि हुमागाईं

मकवानपुर – हेटौंडा उपमहानगरपालिका क्षेत्रमा आजबाट साझा यातायात बस सञ्चालनमा आएको छ ।

हेटौंडा बजार क्षेत्र र वरपरका क्षेत्रमा सञ्चालनमा रहेका अटो, मयुरीले यहाँका यात्रुहरुसँग बढी भाडा असुल गरेर हैरान बनाएपछि साझा यातायात सञ्चालनमा ल्याइएको हो । हेटौंडा उपमहानगरपालिकासँगको समन्वयमा मकवानपुर साझा यातायात प्रालिले आजबाट औपचारिक रुपमा एउटै रंगका ११ वटा बस सञ्चालनमा ल्याएको छ ।

साझा यातायातको औपचारिक रुपमा उद्घाटन् गर्दै हेटौंडा उपमहानगरपालिकाका मेयर हरिबहादुर महतले हरेक यात्रुलाई मुस्कानसहितको सेवा दिनका लागि निर्देशन दिनुभयो । साना खालका अटो तथा मयुरीमा असुरक्षित तरिकाले यात्रा गरिरहेका यात्रुहरुको समस्यालाई मध्यनजर गरेर आरामदायी र सुरक्षित यात्राका लागि निजी कम्पनीसँगगको समन्वयमा बस सञ्चालनमा ल्याइएको मेयर महतले बताउनुभयो ।

हेटौंडाको बुद्धचोकमा आयोजित कार्यक्रमपछि स मेयर महत, जिल्ला प्रहरी कार्यालय मकवानपुरका प्रहरी उपरीक्षक लाकेन्द्र श्रेष्ट, हेटौंडाका विभिन्न वडाका वडाध्यक्षलगायतलाई बसमा चढाएर मकवानपुर साझा यातायतको उद्घाटन गरिएको थियो ।

हेटौंडाको बुद्धचोकदेखि पिपलबोट, लोकप्रियचोक, नगरपालिका रोड, सिंचाइटोल, कान्तिलोकपथ हुँदै रापती रोडमा आएर अतिथिहरुलाई यात्रा गराएपछि बस सञ्चालनमा आएको छ । हेटौंडाका सबैजसो वडाका नागरिकलाई सुरक्षित यात्रा गराउनु उपमहानगरपालिकाको पनि दायित्व भएकाले यो सेवा अझै बिस्तार गरिने उहाँको भनाई छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्