प्यूठानका एक युवा जोडीको रहस्यमय मृत्यु

 असार २, २०७५ शनिबार १८:८:३३ | एलबी थापा

प्यूठान - प्यूठानको झिमरुकका शिरबहादुर जिसी र सृष्टि जिसीको रहस्यमय रुपमा ज्यान गएको छ । झिमरुक ५ का उनीहरुको जिल्ला प्रहरी कार्यालयमा मुद्दा लेखिरहेका बेला ज्यान गएको हो । 

उनीहरुले हाडनाता करणी गरेको भन्दै युवतीकी आमाले चौकी ओखरकोट मच्छीमा उजुरी गरेपछि प्रहरीले उनीहरुलाई पक्राउ गरेको थियो । तर त्यहाँ कुरो नमिलेपछि जिल्ला प्रहरी कार्यालयमा पठाएको प्रहरीले जनाएको छ ।

जिल्ला प्रहरीको मुद्धा फाँटमा मुद्धा लेख्दैगर्दा दुवैजनाले बान्ता गरेपछि उपचारका लागि प्यूठान अस्पताल विजुवार लगेपनि बचाउन नसकिएको प्रहरीले जनाएको छ ।

उनीहरुले विष खाएको हुनसक्ने प्रहरीको अनुमान छ । तर, प्रहरीसँगै मच्छीबाट सदरमुकाम पुर्याइएका उनीहरुले बिच बाटोमा कसरी विष खाए भन्नेबारे रहस्यमय भएको छ । 

बाटोमा चिया खान होटलमा गएका बेला उनीहरुले विष खाएको हुनसक्ने प्रहरीको अनुमान छ । तर ज्यान गुमाएकाका आफन्तले भने प्रहरीले हिरासतमा राखेर यातना दिएर यस्तो घटना हुन पुगेको आरोप लगाएका छन् ।

प्यूठानका प्रहरी प्रमुख राजेन्द्र पोख्रेलले उनीहरुलाई हिरासतमा नराखिएको बताउनुभएको छ । उहाँका आफन्तले घटनाबारे बुझ्न चाहे आफूहरुसँग सीसी क्यामेराको भिडियो सुरक्षित रहेको उहाँले बताउनुभयो । 

घटनाबारे प्रहरी चौकी मच्छीमा ज्यान गुमाएकाका आफन्त र प्रहरीबीच छलफल भइरहेको छ ।

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

एलबी थापा

एलबी थापा प्यूठानका उज्यालो सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई