कट्रिनाले छोडेपछि ‘एबीसीडी ३’ मा सारा अली खान बन्ने भइन् वरुण धवनकी जोडी

पुष १८, २०७५ बुधबार १७:४७:४३ | उज्यालो सहकर्मी

फिल्म ‘एबीसीडी ३’ चर्चा यतिखेर बलिउडमा चुलिएको छ ।

अभिनेतृ कट्रिना केफले अन्तिम समयमा आएर फिल्म छोडेपछि निर्माताहरु अभिनेतृको खोजीमा लागेका थिए । यस फिल्मका लागि अभिनेतृ ज्याकलिन फर्नान्डिस, श्रद्धा कपूर र कृति सेनन लगायतका अभिनेतृको नाम चर्चामा आएको थियो ।

साथै यसअघि ‘एबीसीडी २’ मा अभिनय गरिसकेकी अभिनेतृ श्रद्धा कपूरलाई फाइनल गरिएको खबरहरु सार्वजनिक भएका थिए । तर अहिले यस फिल्मको मुख्य अभिनेतृका लागि सारा अली खानसँग कुराकानी भइरहेको खबर सार्वजनिक भएको छ ।

यसअघि फिल्ममा वरुण धवन मुख्य अभिनेता तथा अभिनेतृ कट्रिना केफ मुख्य अभिनेत्री हुने बताइए पनि कट्रिनाले अभिनेता सलमान खानको फिल्म ‘भारत’ को छायाँकनको व्यस्तताका कारण ‘एबीसीडी ३’ छोड्ने निर्णय लिएकी थिइन् ।

रेमो डिसुजाको निर्देशनमा २२ जनवरीदेखि पञ्जाबमा अमृतसरबाट फिल्म ‘एबीसीडी ३’ को छायाँकनको काम सुरु गरिनेछ । यसपछि फिल्मको छायाँकनको लागि फिल्म यूनिट लण्डन जानेछन् । वर्ष २०१९ को नोभेम्बर ८ मा रिलिज हुने बताइएको यस फिल्ममा वरुण धवनका साथै कोरियोग्राफर प्रभु देवा, राघव जुयाल, धर्मेश र पुनीत पाठकको मुख्य भूमिका हुनेछ ।

अभिनेतृ सारा अली खानले २०१८ मा फिल्म ‘केदारनाथ’ बाट बलिउड डेब्यू गरेकी थिइन । यस फिल्ममा अभिनेता सुशान्त सिंह राजपुतले उनलाई साथ दिएका थिए । पहिलो फिल्मबाटै दर्शकको मन जित्न सफल साराको दोस्रो फिल्म ‘सिम्बा’ले यतिबेला शानदार व्यापार गरिरहेको छ । यस फिल्ममा सारा अली खान अभिनेता रणवीर सिंहको जोडीको रुपमा देखिएकी छिन् ।

केही समय अघि साराले करण जोहरको चर्चित शो ‘कफि विद् करण’ मा अभिनेता वरुण धवनको जोडीको रुपमा काम गर्ने इच्छा रहेको बताएकी थिइन् । अहिले सार्वजनिक खबर अनुसार सारा अली खानको त्यो चाहना छिट्टै नै पूरा हुने देखिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्