‘सिम्बा’को कमाइसँगै निर्देशक रोहित शेट्टीले बलिउडमा बनाए नयाँ कीर्तिमान

पुष २०, २०७५ शुक्रबार १३:४१:१७ | उज्यालो सहकर्मी

रोहित शेट्टीको निर्देशनमा बनेकाे रणवीर सिंह र सारा अली खानको फिल्म ‘सिम्बा’ डिसेम्बर २८ मा प्रदर्शन भएसँगै बक्स अफिसमा कमालको व्यापार गरिरहेको छ ।

‘सिम्बा’ ले ६ दिन भित्रै १ सय कराेडभन्दा धेरैको व्यापार गर्दै निर्देशक रोहित शेट्टीका लागि समेत नयाँ कीर्तिमान कायम गरिदिएको छ ।

बलिउड फिल्म उद्योगमा कैयाैं फिल्म निर्माण गरिसकेका निर्देशक रोहित शेट्टीको यो आठौं फिल्म हो । जसले लगातार बक्स अफिसमा एक सय करोडको व्यापार गर्न सफल भएको छ ।

बलिउड फिल्म उद्योगमा कुनै पनि निर्देशकका ८ वटा फिल्मले लगातार १०० करोडको व्यापार गरेको यो पहिलो पटक हो । प्रदर्शनको छैटौं दिनसम्म आइपुग्दासमेत फिल्म ‘सिम्बा’ ले दर्शकको भिडलाई फिल्म हलसम्म तानिरहेको छ ।

यो फिल्मले ६ दिनमा १३९.०३ करोडको व्यापार गरेको छ ।

रोहित शेट्टीले धेरैजसो फिल्म अजय देवगनलाई लिएर बनाएका छन् । फिल्म ‘सिम्बा’ मा समेत अजय देवगनको फिल्म ‘सिंघम’ फिल्मको अगाडिको कहानी रहेको छ । जसमा अजय देवगनको केमियो रोल रहेको छ ।

भारतीय व्यापार विश्लेषक तरण आदर्शले रोहित शेट्टी बलिउड फिल्म उद्योगमा एकपछि अर्को गर्दै लगातार १०० करोड कमाउने फिल्म बनाउने पहिलो निर्देश बनेको भन्दै ट्वीट गरेका छन ।

He's the Hit Machine... A name that's synonymous with Hits... Ro-Hit Shetty's latest endeavour #Simmba is not only winning hearts, but also ruling the BO. pic.twitter.com/t4zfltS2ec

— taran adarsh (@taran_adarsh) January 3, 2019

रोहित शेट्टी निर्देशित फिल्म ‘गोलमाल ३, सिंघम, बोल बच्चन, चेन्नई एक्सप्रेस, सिंघम रिटर्नस, दिलवाले, गोलमाल अगेन, सिम्बा’ ले १०० करोडको व्यापार गर्दै रोहितलाई किर्तिमानी निर्देशक बनाइदिएका हुन् ।

रोहित शेट्टी बलिउडमा एक्शन डायरेक्टरको रुपमा चिनिन्छन् । उनका फिल्महरुमा गाडीहरुका खतरनाक स्टण्टहरु समावेश गरिएको हुन्छ । फिल्म ‘गोलमाल’ देखि ‘सिम्बा’ सम्म रोहितले दर्शकका लागि खतरनाक स्टण्टहरु प्रस्तुत गरेका छन् ।

लगातार ८ वटा फिल्मले १ सय करोडको व्यापार गरेसँगै रोहित शेट्टीलाई हिट मशिन भन्दै सामाजिक सञ्जालमा समेत चर्चा भइरहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्