बार्सिलोनाकाे जितमा मेस्सी र स्वारेजकाे एक–एक गाेल

पुष २३, २०७५ सोमबार ९:१५:३६ | उज्यालो सहकर्मी

गेटाफेलाई हराउँदै बार्सिलोनाले स्पेनिस ला लिगा तालिकामा पाँच अंकका अग्रता लिएको छ । आइतबार भएको खेलमा बार्सिलोनाले गेटाफेलाई २–१ ले हरायो ।

बार्सिलोनालाई जित दिलाउनका लागि लुइस स्वारेज र लियोनल मेस्सीले एक–एक गोल गरेका थिए । २०औं मिनेटमा मेस्सीले गोल गर्दै बार्सिलोनालाई अग्रता दिलाएका थिए । ३९औं मिनेटमा स्वारेजको डि–बक्स बाहिरबाट उत्कृष्ट भली गोलमा परिणत भएपछि बार्सिलोनाले २–० को अग्रता लियो ।

त्यस लगत्तै गेटाफेको एउटा राम्रो मौका पोस्टमा लाग्यो । तर ४३औं मिनेटमा गेटाफेले गोल फर्कायो । जेमी माटाले गोल गरेका थिए ।

दोस्रो हाफमा गोल हुन नसक्दा बार्सिलोनाले २–१ को जित हात पार्‍याे । जितसँगै बार्सिलोना ४० अंक बनाउँदै तालिकामा पाँच अंकको अग्रता लिन सफल भएको छ । दोस्रो स्थानको एट्लेटिको मड्रिडको ३५ अंक छ । गेटाफे भने २५ अंकसहित सातौं स्थानमा छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्