ए डिभिजनको लिगको ट्रफी उठाउँदै मनाङ

पुष २४, २०७५ मंगलबार ८:०:५७ | उज्यालो सहकर्मी

ए डिभिजन लिगमा दुई खेल अगावै च्याम्पियन बनिसकेको मनाङ मर्स्याङदी क्लबले मंगलबार ट्रफी उठाउँदैछ ।

फ्रेन्ड्सविरुद्ध हुने मंगलबारको अन्तिम खेलमा उसलाई नतिजाले असर पर्ने छैन । तर पनि जित हासिल गरेको खण्डमा उसले एउटा कीर्तिमान राख्नेछ । त्यो हो, शतप्रतिशत जित । लिगमा शतप्रतिशत जित निकालेर ३६ अंक जोडेको मनाङ अब एक जितबाट टाढा छ ।

मनाङका प्रशिक्षक सुमन श्रेष्ठले लिग जितिसकेको अवस्थामा शतप्रतिशत जितको कीर्तिमानका लागि खेल्ने बताएका छन् । जारी लिगमा फ्रेन्ड्सको कमजोर प्रदर्शन भइरहँदा मनाङका लागि कीर्तिमानी यात्रा सहज हुन सक्छ ।

झण्डै पाँच वर्षको अन्तरालमा गएको असोज १३ गतेदेखि सुरु भएको ए डिभिजन लिग ३ महिना १० दिनपछि मंगलबार सकिन लागेको हो । रेलिगेसनको व्यवस्था नभएको तथा पुरस्कार राशी पनि अघिल्लो संस्करणभन्दा घटाइएको यो लिग सुरुआतदेखि विवादित बनेको हो । पाँच वर्षको अन्तरालमा भए पनि एन्फाले लिग सुरु गर्न सकेको छ ।

लिगमा शीर्ष ६ टोलीलाई नगद पुरस्कारको व्यवस्था गरिएको छ । लिगको विजेता मनाङले ५० लाख रुपैयाँ पुरस्कार पाउनेछ । दोस्रो स्थान सुरक्षित गरेको संकटाले ३५ लाख, तेस्रो भएको थ्रीस्टारले २५ लाख, चौथो भएको त्रिभुवन आर्मीले १५ लाख, पाँचौं भएको एपीएफले ७ लाख र छैटौं भएको नेपाल पुलिसले ५ लाख रुपैयाँ पुरस्कार पाउनेछन् ।

त्यस्तै व्यक्तिगततर्फ उत्कृष्ट गोलरक्षक, डिफेन्डर, मिडफिल्डर, स्ट्राइकर र प्रशिक्षकले जनही एक एक थान मोटरसाइकल पुरस्कार पाउनेछन् ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्