ट्रक र ट्रयाक्टरको बीचमा च्यापिएर मिस्त्रीको मृत्यु

पुष २६, २०७५ बिहीबार १७:१:२३ | पुरुषोत्तम गिरी

सल्यान – सल्यानमा ट्रक र ट्रयाक्टरको बीचमा च्यापिएर एक युवकको ज्यान गएको छ ।

रुकुमको चौरजहारी नगरपालिका–६, घर भई हाल सल्यानको श्रीनगरमा बस्दै आएका २५ वर्षीय राजेश जैसीको ज्यान गएको प्रहरीले जनाएको छ । जैसी श्रीनगरमा रहेको एक मोटर ग्यारेजमा मिस्त्रीको रुपमा काम गर्दै आएका थिए ।

सल्यानको शारदा नगरपालिका–१, श्रीनगरमा मर्मतका लागि रोकेर राखिएको लु १ ख ४१२४ नम्बरको ट्रक मर्मतपछि स्टार्ट गर्नलाई रा १ त १४४१ नम्बरको ट्रयाक्टरले बीचमा फ्ल्याक राखेर तान्ने क्रममा फ्ल्याक उम्किँदा उहाँको टाउकोमा गम्भीर चोट लागेको थियो ।

गम्भीर घाइते भएका जैसीलाई जिल्ला अस्पताल सल्यानमा पुर्‍याउने क्रममा बाटोमै ज्यान गएको जिल्ला प्रहरी कार्यालय सल्यानका प्रहरी प्रमुख डीएसपी वीरेन्द्रबहादुर शाहीले जानकारी दिनुभयो ।

ट्रक चालक त्रिवेणी गाउँपालिका –२, निवासी ३० वर्षीय डब्बल सिं थापा र ट्याक्टर चालक शारदा नगरपालिका–१, निवासी २१ वर्षीय सुमन योगी हाल प्रहरी नियन्त्रणमा रहेको र थप अनुसन्धान भइरहेको प्रहरी प्रमुख डीएसपी शाहीले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्