दर्ता बिना बोर्डिङ स्कुल चलाउने नेता र प्रध्यानाध्यापक विरुद्ध मुद्दा दर्ता

असार ३, २०७५ आइतबार २०:२३:१० | शिव ढुंगाना

ओखलढुंगा – ओखलढुंगामा दर्ता बिनै बोर्डिङ स्कुल चलाउने दुईजना विरुद्ध मुद्दा दर्ता भएको छ ।

सिद्धिचरण नगरपालिका वडा नम्बर २ निसंखे बजार नजिकै दर्ता बिनै गुरुकुल एकेडेमी नामको बोर्डिङ सञ्चालन गर्ने सञ्चालक बलराम कट्वाल र स्कुलका प्रध्यानाध्यापक विरुद्ध परेको उजुरीपछि पक्राउ गरेर मुद्दा दर्ता भएको छ ।

दर्ता नै नगरी स्कुल सञ्चालन गरेर ठगी गरेको आरोपमा उजुरी परेपछि प्रहरीले सञ्चालहरुलाई पक्राउ गरेको हो । प्रहरीले उनीहरु विरुद्ध अनुसन्धानका लागि म्याद थप परेर हिरासतमा राखेको जिल्ला प्रहरी कार्यालय ओखलढुंगाका प्रमुख अनन्तराम शर्माले बताउनुभयो ।

चिसंखुगढी गाउँपालिका ६ मा स्थायी ठेगाना भएका बलराम कटुवालले कम्युटर इन्ष्टिच्युट सञ्चालन गरेको स्थानमै सवारी साधान समेत राखेर दर्ता बिनै गुरुकुल एकेडेमी सञ्चालन गर्दै आएका थिए ।

त्यस स्कुलमा चालु शैक्षिक शत्रबाट कक्षा ४ सम्म पठनपाठन भएको स्थानीयको भनाई छ । स्थानीयले सरकारले दर्ताको अनुमति दिनु पर्ने भए पनि कुनै प्रकृया नै नपुर्याइ अभिभावक र विद्यार्थी ठगी गरेको उजुरी दर्ता गरेका थिए ।

विद्यालय सञ्चालन गर्न वडा स्तरबाट सिफारिस लिएर नगरपालिकाले दर्ता गर्ने व्यवस्था भए पनि दर्ता नभएको वडा अध्यक्ष कृष्ण कार्कीले बताउनुभयो । ‘दर्ताको सिफारिसका लागि पनि कुनै निवेदन वडामा आएको छैन’, कार्कीले भन्नुभयो । ठगीको उजुरी परे पनि प्रहरीले आरोपीलाई पक्राउ गरेर शिक्षा ऐन ०७४ अनुसार दर्ता बिना स्कुल संचालन गर्नेमाथि कारबाही गर्ने प्रहरीले जनाएको छ ।

बचाउमा अभिभावक

दर्ता बिना विद्यालय सञ्चलान गर्ने संचालक पक्राउ परेपछि उनीहरुको बचाउमा अभिभावक र केही नेताहरु लागेका छन् । केही अभिभावकले जिल्ला प्रहरी कार्यालय अगाडि उपस्थित भएर विरोध समेत जनाएका छन् ।

विद्यालय सञ्चालन गरेर सेवा गरेको भन्दै पक्राउ परेका संचालकलाई छोड्न उनीहरुले माग गरेका छन् । नेपाली कांग्रेसका स्थानीय नेता पदम तामाङ सञ्चालक नछोडे कडा आन्दोलन गर्ने चेतावनी दिनुभयो । संचालक कटुवाल कांग्रेसका नेता समेत हुन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्