सलमान खानले बोनी कपूरलाई घर आउन गरे प्रतिबन्ध, छोराको रिस निकाले बुवामाथि

पुष २६, २०७५ बिहीबार २०:१०:१८ | एजेन्सी

बलिउड अभिनेता अर्जुन कपूर र मलाइका अरोडा एकअर्काको प्रेममा रहेको कुरा कसैबाट लुक्न सकेको छैन ।

अर्जुन र मलाइका सार्वजनिक रुपमै दुनियाको कुनै पर्वाह नगरी एकअर्काको साथमा समय बिताइरहेका छन् । यी दुवैको सम्बन्धलाई अर्जुन कपूरको परिवारले समेत स्वीकार गरिसकेको छ । मलाइका अरोडाका पूर्व पति अरबाज खानले समेत मलाइकासँगको डिभोर्सपछि जर्जिया एण्ड्रीयानीलाई डेट गरिरहेका छन् । तर अरबाज खानका दाइ सलमान खान भने अझै पनि अर्जुन कपूर र मलाइका अरोडाको सम्बन्धदेखि खुशी छैनन् ।

केही दिनअघि मात्रै सलमान खानले बोनी कपूरको २ वटा फिल्ममा काम गर्ने अफरलाई अस्वीकार गरिदिएका थिए र अहिले सार्वजनिक खबरहरुका अनुसार सलमानले बोनी कपूरलाई उनको घरमा आउनसमेत प्रतिबन्ध लगाइदिएका छन । बोनी कपूर र सलमान खानबीचको मित्रता यसअघिसम्म निकै प्रगाढ थियो तर अब भने सलमानले बोनी कपूरलाई उनको छोराले गरेको गल्तीको सजाय दिएका छन् ।

अभिनेत्री मलाइका अरोडा खानभन्दा अघि अभिनेता अर्जुन कपूर सलमान खानकी बहिनी अर्पिता खानलाई डेट गरिरहेका थिए । तर पछि उनी सलमानकै भाइ अरबाज खानकी श्रीमती मलाइका अरोडाका साथ प्रेमसम्बन्ध गाँसेपछि सलमान खानलाई यो कुरा सह्य भएन ।

सलमान खानले बलिउड फिल्म निर्माताहरुलाई अर्जुन कपूरलाई कुनै पनि फिल्ममा कास्ट नगर्नुभन्दै आदेश दिएका थिए । तर अर्जुन कपूरले त्यस समयमा सलमानसँग माफी माग्दै अब आइन्दा सलमान खानको परिवारलाई समस्या हुने कुनै पनि काम नगर्ने बताएका थिए । सलमानले पनि उनलाई त्यसबेला माफ गरिदिएका थिए ।

तर त्यसको केही समयपछि अर्जुनकै लागि मलाइकाले अरबाज खानसँग सम्बन्ध विच्छेद गर्दै अर्जुनसँग नजिकिइन् । यो कुरा सलमानले पचाउन सकेनन् । तसर्थ सलमान खानले अर्जुन कपूरको रिस उनका पिता बोनी कपूरमाथि पोखे ।

बोनी कपूरसँगको वर्षौँदेखिको मित्रतालाई सलमानले मतलब नगरी उनको अब आउने फिल्म ‘वान्टेड २’ र ‘नो एन्ट्री मे एन्ट्री’ मा अभिनय गर्न अस्वीकार गरिदिए ।

साथै बोनी कपूरलाई सलमान खानको घर आउन प्रतिबन्ध गरिदिएका छन् । बोनी कपूरको निर्माणमा बनेका यसअघिका फिल्म ‘वान्टेड’ र ‘नो एन्ट्री’ मा सलमान खान नै मुख्य भूमिकामा थिए भने यी फिल्महरु सुपरहिट भएका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्