राष्ट्रपतिदेखि जनप्रतिनिधिसम्मको मर्यादाक्रम तोकियो (सूचीसहित)

पुष २७, २०७५ शुक्रबार १०:१३:४९ | उज्यालो सहकर्मी

काठमाडाैं – सरकारले राष्ट्रपतिदेखि विभिन्न क्षेत्रका प्रतिष्ठित व्यक्तित्वहरूको नयाँ मर्यादाक्रम तोकेको छ । नयाँ मर्यादाक्रममा जनप्रतिनिधिलाई कर्मचारीभन्दा माथि राखिएको छ ।

मर्यादाक्रमको पहिलो नम्बरमा राष्ट्रपति, दोस्रोमा उपराष्ट्रपति, तेस्रोमा प्रधानमन्त्री तथा चौथोमा प्रधानन्यायाधीश, प्रतिनिधिसभाका सभामुख र राष्ट्रिय सभाका अध्यक्ष छन् । गएको सोमबार बसेको मन्त्रिपरिषद् बैठकले नयाँ मर्यादाक्रम स्वीकृत गरेको हो ।

नयाँ मर्यादाक्रम यस्तो छ :

१. राष्ट्रपति

२. उपराष्ट्रपति

३. प्रधानमन्त्री

४. प्रधानन्यायाधीश, प्रतिनिधिसभाका सभामुख, राष्ट्रियसभाका अध्यक्ष

५. पूर्व राष्ट्रपति, उपप्रधानमन्त्री, पूर्व उपराष्ट्रपति, पूर्व प्रधानमन्त्री, मन्त्रिपरिषदका पूर्व अध्यक्ष

६. प्रदेश प्रमुख (आफ्नो प्रदेशभित्र)

७. नेपाल सरकारका मन्त्री, प्रदेश सरकारका मुख्यमन्त्री (आफ्नो प्रदेशभित्र), प्रदेश प्रमुख (आफ्नो प्रदेशभन्दा बाहिर), प्रतिनिधिसभाका विपक्षी दलका नेता, नेपाल रत्न पाउनेहरु, प्रदेश सरकारका मुख्यमन्त्री (आफ्नो प्रदेश बाहिर),पूर्व प्रधानन्याधीश, संविधानसभाका अध्यक्ष, प्रतिनिसभाका उपसभामुख, राष्ट्रियसभाका उपाध्यक्ष, सत्तापक्षको संसदीय दलका उपनेता, व्यवस्थापिका संसदका पूर्वसभामुख, प्रतिनिधिसभाका पूर्वसभामुख, राष्ट्रियसभाका पूर्व अध्यक्ष, सरकारका पूर्वउपप्रधानमन्त्री, सरकारका पूर्वमन्त्री

८. नेपाल सरकारका राज्यमन्त्री, प्रतिनिधिसभाका मुख्य सचेतक (सत्ता पक्षको), प्रतिनिधिसभाका प्रमुख सचेतक (विपक्षी दलको), प्रतिनिधि सभाका विभिन्न समितिका सभापति, राष्ट्रिय सभाका विभिन्न समितिका सभापति, राष्ट्रिय योजना आयोगका उपाध्यक्ष, सर्वोच्च अदालतका न्यायाधीश, संवैधानिक निकायका प्रमुख, महान्यायाधिवक्ता, राष्ट्रियसभामा सत्तापक्षको नेता, राष्ट्रियसभामा सत्तापक्षको मुख्य सचेतक, राष्ट्रिसभामा विपक्षी दलको नेता, राष्ट्रियसभामा विपक्षी दलको प्रमुख सचेतक, प्रदेश सभाका सभामुख

९. नेपाल सरकारका सहायक–मन्त्री, प्रदेश सरकारका मन्त्री, प्रतिनिधिसभाका सदस्य, राष्ट्रियसभाका सदस्य, प्रदेश सरकारका राज्यमन्त्री, प्रदेश सभाका उपसभामुख, प्रदेश सभाका विभिन्न समितिका सभापति, काठमाडौँ महानगरपालिकाका प्रमुख, संविधानसभाका सदस्य, पूर्व सांसद, सरकारका मुख्यसचिव, प्रधानसेनापति

१०. प्रदेश सरकारका सहायक–मन्त्री, प्रदेश सभाका सचेतक, प्रदेशसभाका सदस्य, महानगरपालिकाका प्रमुख (काठमाडौँ महानगरपालिका बाहेक), जिल्ला समन्वय समितिका प्रमुख

११. संवैधानिक निकायका सदस्य तथा आयुक्त, न्यायपरिषद् सदस्य, राष्ट्रिय योजना आयोगका सदस्य, संघीय संसदका महासचिव, सर्वोच्च अदालतका मुख्य रजिष्ट्रार, उच्च अदालतका मुख्यन्यायाधीश, नेपाल राष्ट्र बैंकका गभर्नर, प्रज्ञा प्रतिष्ठानका कुलपति, विश्वविद्यालयका उपकुलपति

१२. नेपाल सरकारका सचिव एवं विशिष्ठ श्रेणीका अधिकृत, राष्ट्र गौरव पाउने महानुभावहरु, नेपाली राजदूत, नेपालस्थित विदेशी राजदूत, सार्कका महासचिव, रथी, प्रहरी महानिरीक्षक, सशस्त्र प्रहरी महानिरीक्षक, मुख्य अनुसन्धान निर्देशक (राष्ट्रिय अनुसन्धान विभाग), सर्वोच्च अदालतका रजिष्ट्रार, नायव महान्यायाधिवक्ता, उपमहालेखापरीक्षक, प्रदेश सरकारका प्रमुख सचिव, प्रज्ञा प्रतिष्ठानका उपकुलपति, विश्विद्यालयका प्राध्यापक, उपमहानगरपालिकाका प्रमुख र काठमाडौँ महानगरपालिकाका उपप्रमुख

१३. उच्च अदालतका न्यायाधीश, नेपालस्थित संयुक्त राष्ट्रसंघीय आवासीय संयोजक

१४. प्रदेश लोकसेवा आयोगका अध्यक्ष, नगपालिकाका प्रमुख उपरथी, प्रहरी अतिरिक्त महानिरीक्षक, सशस्त्र प्रहरी अतिरिक्त महानिरीक्षक, राष्ट्रिय अनुसन्धान विभागका अतिरिक्त मुख्य अनुसन्धान निर्देशक, प्रदेश लोकसेवा आयोगका सदस्य

१५. जिल्ला समन्वय समितिका उपप्रमुख, गाउँपालिकाका अध्यक्ष, नगरपालिकाका उपप्रमुख, सरकारका सहसचिव र राजपत्राङ्कित प्रथम श्रेणीका अधिकृत, जिल्ला न्यायाधीश, प्रदेश सरकारका सचिव, प्रमुख जिल्ला अधिकारी र विश्वविद्यालयका सहप्राध्यापक

१६. सहायकरथी, प्रहरी नायब महानिरीक्षक,सशस्त्र प्रहरी नायब महानिरीक्षक, राष्ट्रिय अनुसन्धान विभागका अनुसन्धान निर्देशक, नेपालस्थित विदेशी कन्सुल जनरल, महासेनानी, प्रहरी वरिष्ठ उपरीक्षक, सशस्त्र प्रहरी वरिष्ठ उपरीक्षक, राष्ट्रिय अनुसन्धान विभागका सह अनुसन्धान निर्देशक, प्रदेश सरकार तथा स्थानीय तहका राजपत्राङ्कित प्रथम श्रेणी वा सोसरहका अधिकृत, प्रमुख जिल्ला अधिकारी (राजपत्राङ्कित द्वितीय श्रेणी), सार्वजनिक संस्थानका प्रमुख एवं कार्यकारी, गाउँपालिका उपाध्यक्ष

१७. नेपाल सरकारका उपसचिव वा सो सरहका अधिकृत, प्रमुख सेनानी, प्रहरी उपरीक्षक, सशस्त्र प्रहरी उपरीक्षक, राष्ट्रिय अनुसन्धान विभागका उपअनुसन्धान निर्देशक, विश्वविद्यालयका उपप्राध्यापक

१८. सेनानी, प्रहरी नायब उपरीक्षक, सशस्त्र प्रहरी नायब उपरीक्षक, राष्ट्रिय अनुसन्धान विभागका प्रमुख अनुसन्धान अधिकृत, प्रदेश सरकार तथा स्थानीय तहका राजपत्राङ्कित द्वितीय श्रेणी वा सोसरहका अधिकृत

१९. नेपाल सरकारका शाखा अधिकृत वा सोसरहका अधिकृत, सहसेनानी, विश्वविद्यालयका सहायक प्राध्यापक

२०. प्रहरी निरीक्षक, सशस्त्र प्रहरी निरीक्षक, राष्ट्रिय अनुसन्धान विभागका अनुसन्धान अधिकृत, उपसेनानी

२१. प्रदेश सरकार तथा स्थानीय तहका राजपत्राङ्कित तृतीय श्रेणी वा सोसरहका अधिकृत, सहायक सेनानी ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

shyam sharan gaihre
Aug. 2, 2019, 10:58 a.m.
खासै ठीक लागेन यो
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राष्ट्रपतिदेखि जनप्रतिनिधिसम्मको मर्यादाक्रम तोकियो (सूचीसहित)

1 Comments

shyam sharan gaihre

तपाईको प्रतिक्रिया

तपाईको प्रतिक्रिया