बाटाेमा बदाम खाँदै हिँडेकी युवती मन परेपछि बिहे गर्न यस्ताे उपाय गरेका थिए राजाराम पौडेलले

पुष २८, २०७५ शनिबार १९:२२:३८ | उज्यालो सहकर्मी

राजाराम पौडेल पछिल्लो समय चलचित्रमा व्यस्त हास्यकलाकार हुन् । रेडियो नाटकबाट अभिनय यात्रा सुरु गरेका पौडेल अहिले सिनेमामा चल्तीका मुख्य कलाकार हुन् ।

उनी सानै उमेरदेखि नै कथा, कविता, गजल आदि लेख्ने गर्थे साथै अभिनयमा पनि उनको उत्तिकै रुची थियो । उनले काठमाण्डौको रत्नराज्यलक्ष्मी क्याम्पसमा संगीत विषय लिएर अध्ययन गरेका थिए भने सँगै पत्रकारिता पनि गर्दै आएका थिए ।

एक दिन उनले एउटी युवतीलाई परैबाट बदाम खाँदै गरेको देखे । निकै बेर उनले ती युवतीलाई नियालेर हेरे । उनले तिनै युवतीलाई आफ्नो जिवनसाथी बनाउने निर्णय गरे र घरमा गएर अविभावकसँग कुरा गरे ।

पछि २०४० सालमा तिनै युवतीसँग उनको विवाह भयो । उनी थिइन् इश्वरी पौडेल ।

हाल उनीहरुका २ सन्तान छन् । राजाराम पौडेल हाल काठमाण्डौ नक्सालमा आफ्ना परिवारसँग बस्दै आएका छन् । हास्यकलाकार राजाराम पौडेल विशेषत नेपाल टेलिभिजनबाट महका श्रृंखला आउँदा बढी चर्चित थिए ।

त्योभन्दा बढी चर्चा उनलाई जिरे खुर्सानीले दियो । जिरे खुर्सानी झण्डै एक दशक एनटीभीमा प्रसारण भएको चर्चित हास्य श्रृंखला हो ।

शिवहरि र जितु नेपाल यसका निर्देशक थिए । यही श्रृंखलाबाट पौडेल सबै दर्शकको मन मनमा बस्न सफलभए ।

तर पछिल्लो समय नेपाल टेलिभिजनबाट प्रसारण हुने अधिकांश टेलिचलचित्रहरु बन्द भैसकेका छन् ।
चलचित्र दालभात तरकारीमा उनी कलाकारका साथै निर्माता पनि हुन् । त्यस्तै चलचित्र सय कडा दशमा पनि उनी कार्यकारी निर्माताका रुपमा प्रस्तुत भएका छन् ।
पछिल्लो समय हास्यकलाकार राजाराम पौडेल नेपाल टेलिभिजनबाट प्रसारण हँुदै आएको मुन्द्रेको कमेडी क्लबमा सहभागी भएर दर्शकलाई हसाउँदै आएका छन् ।

– उज्यालाे र गफगाफ डटकमकाे सहकार्य

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्