कर्णालीका केही कार्यालय खुला, केही बन्द

माघ १, २०७५ मंगलबार १३:१८:३६ | अमर सुनार

दैलेख – कर्णाली प्रदेश सरकारले मंगलबार माघे सङ्क्रान्तिको बिदा दिए पनि केन्द्र सरकार अन्तर्गतका सरकारी कार्यालयहरु खुलेका छन् । प्रदेश सरकार अन्तर्गत नभएको कारण संघीय सरकार अन्तर्गतका सबै कार्यालय खुला गरिएको दैलेखका प्रमुख जिल्ला अधिकारी लक्ष्मीप्रसाद बासकोटाले बताउनुभयो ।

सार्वजनिक बिदाको दुविधाबारे प्रश्नमा ‘हामीले निर्णय गर्दा पनि सबै कार्यालय बिदा हुने लेख्न छुटेछ’ कर्णाली प्रदेश सरकारका प्रवक्ता कृषि तथा भूमि व्यवस्था मन्त्री विमला केसीले प्रतिक्रिया दिनुभयो । उहाँले बिदा दिन पाउने अधिकार अनुसार बिदा दिइएको बताउनुभयो ।

प्रदेश सरकारका मुख्यमन्त्री महेन्द्रबहादुर शाहीले पुस २५ गते सुर्खेतमा नेपाल मगर संघले आयोजना गरेको मेला उद्घाटन कार्यक्रममा माघे सङ्क्रान्तिको बिदा दिने घोषणा गरे पनि पुस २८ गतेको मन्त्री परिषद् बैठकले कर्णाली प्रदेशमा सार्वजनिक बिदा दिने औपचारिक निर्णय भएको थियो ।

प्रदेश सरकारको निर्णय सार्वजनिक सञ्चार माध्यमबाट थाहा पाएका कर्णाली प्रदेशका ७९ वटै स्थानीय तहहरु, कृषि, स्वास्थ्य, वन, पशु सेवा, घरेलु कार्यालय तथा विद्यालयहरु बिदा भएका छन् । केन्द्र सरकार अन्तर्गतका अदालत, प्रशासन, प्रहरी, जिल्ला समन्वय समिति, कोष तथा लेखा नियन्त्रण कार्यालय, हुलाक, मालपोत, नापी, विद्युत कार्यालयचाहिँ १० वटै जिल्लामा खुला छन् ।

कोही कार्यालय खुल्ने र कोही नखुल्ने हुँदा दुई–तीन कार्यालयसँग सरोकार राख्ने सेवाग्राहीलाई अन्यौलमा परेका छन् ।

अन्तिम अपडेट: माघ २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्