अमेरिकी राष्ट्रपति ट्रम्पको व्यवहारले युरोपेली नेतामा शङ्का

अमेरिकासँग कसरी व्यवहार गर्ने भन्ने विषयमा छलफल गर्न आपत्कालीन बैठक बस्दै

फागुन ५, २०८१ सोमबार १५:१२:५६ | एजेन्सी

अमेरिकी राष्ट्रपति डोनाल्ड ट्रम्पले युक्रेनमा कूटनीतिक आक्रमण गर्न थालेपछि युरोपेली नेताहरू सशङ्कित भएका छन् ।

दोस्रो विश्वयुद्धपछि एउटै लयमा रहेका र शीत युद्धको समयमा सोभियत सङ्घको सामना गर्न एक भएकोमा पछिल्लो हप्ता अमेरिकी राष्ट्रपतिको कदमले युरोपली नेताहरूलाई सशङ्कित बनाएको हो । अब अमेरिकासँग कसरी व्यवहार गर्ने भन्ने बारेमा छलफल गर्न फ्रान्सेली राष्ट्रपति इम्यानुएल म्याक्रोँनले आज पेरिसमा युरोपेली सङ्घ (ईयू) का सदस्य र बेलायतका नेताहरूलाई बोलाउनुभएको छ ।

ट्रम्पले पछिल्लो हप्ता युक्रेनसँग सहयोगको बदलामा खनिज पदार्थमा आधा स्वामित्व माग्नुका साथै रुस–युक्रेन युद्ध अन्त्यका लागि एकतर्फी वार्ता शुरू गर्नुभएको छ । ट्रम्पले रुसी राष्ट्रपति भ्लादिमिर पुटिनसँग कुरा गर्नुसँगै रुस–अमेरिका विदेशमन्त्रीस्तरीय वार्ता भएर पनि साउदी अरबमा शान्ति वार्ता तोकिएको छ । तर त्यसमा युद्धको चपेटामा परेको युक्रेन र युक्रेनलाई सघाउन सामूहिक प्रयास गरिरहेका युरोपेली देशलाई बोलाइएको छैन ।

ट्रम्पले चुनाव अघिदेखि नै ईयूविरुद्ध चेतावनीहरू दिइरहनुभएको छ । तर त्यस्ता चेतावनीमा चुप रहेका युरोपेली नेताहरू एकतर्फी शान्ति वार्ता शुरू भएपछि जुट्न थालेका हुन् । जर्मनीकी विदेशमन्त्री अन्नालेना बेयरबकले यो हप्तालाई अस्तित्वको क्षण भन्नुभएको समाचार संस्था एपीले जनाएको छ ।

अन्तिम अपडेट: फागुन ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकी राष्ट्रपति ट्रम्पको व्यवहारले युरोपेली नेतामा शङ्का

अमेरिकासँग कसरी व्यवहार गर्ने भन्ने विषयमा छलफल गर्न आपत्कालीन बैठक बस्दै

फाइल फाेटाे

तपाईको प्रतिक्रिया