सोलुदूधकुण्ड नगरपालिकाका दलित समुदायको विद्युत महसुल कार्यपालिका सदस्यले तिरिदिने

माघ १, २०७५ मंगलबार १४:५३:६ | सुवास दर्नाल

सोलुखुम्बु – सोलुदूधकुण्ड नगर कार्यपालिका सदस्य सोनाम गल्जेन शेर्पाले राज्यबाट प्राप्त हुने सेवा सुविधाको रकम दलित समुदायको विद्युत महसुल भुक्तानी खर्च गर्ने बताउनुभएको छ ।

राज्यबाट प्राप्त हुने सेवासुविधाको रकमबाट वडा नम्बर ७ का दलित समुदायको विद्युत महसुल तिरिदिने उहाँले घोषणा गर्नुभएको हो । पछाडि पारिएका तथा न्यून आर्थिक अवस्था भएका सिंगो वडाका ३२ घरधुरी दलित समुदायको महसुल आफूले राज्यबाट पाउने भत्ता तथा सुविधाको रकमबाट मासिक रुपमा भुक्तानी गरिदिने उहाँले बताउनुभयो ।

सोलुदूधकुण्ड नगरपालिका ७ गार्माका स्थानीय शेर्पाले मासिक १० हजार नगरपालिकाबाट सुविधा स्वरुप पाउने र त्यसमा बाँकी रकम थप गरी १५ हजार रकम बिजुलीको बिल तिर्ने उद्घोष गर्नुभएको छ ।

नगर कार्यपालिका सदस्य शेर्पाले नगरप्रमुख नाम्गेलजाङबु शेर्पाको उपस्थितिमा एक भेलाको आयोजना गरी आफूले नगरपालिकाबाट पाउने रकम दलित समुदायका लागि खर्च गर्ने घोषणा गर्नुभएको हो ।

समाजसेवी शेर्पाको यो घोषणासँगै गार्माका दलित समुदायले निःशुल्क रुपमा विद्युत उपभोग गर्न पाउने भएका छन् । साथै वडामा आर्थिक कमजोरीका कारण विद्युत पहुँच बाहिर रहेका घरधुरीलाई विद्युत जडानको जिम्मेवारी आफूले लिने समेत उहाँले उद्धघोष गर्नुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्