बरमपुराको उखुबारीमा भीषण आगलागी : आठ बिगाहाको उखु नष्ट

माघ १, २०७५ मंगलबार १९:१७:१ | सुमन तिमल्सिना

मोरङ – विराटनगर–११, बरमपुरामा रहेको उखुबारीमा आगलागी भएको छ ।

मंगलबार दिउँसो लागेको आगोले आठ बिगाहामा रहेको उखु जलेर नष्ट भएको हो । विराटनगरका नागेश कोइरालाको उखुबारीमा आगो लागेको हो । आगोलागीबाट झण्डै चार लाखको उखु जलेर नष्ट भएको कोइरालाले बताउनुभयो ।

५१ बिगाहा जग्गामध्ये १० बिगाहा जमिनमा उखु खेती लगाएकोमा आठ बिगाहाको उखु जलेको उहाँले जानकारी दिनुभयो । ‘बारीमा पाकेको उखु बिक्री गर्ने तयारीमा थियौं,’ कोइरालाले भन्नुभयो, ‘तयारी उखु जलेर आधाभन्दा बढी पूर्ण रुपमा नष्ट भयो ।’

आठ बिगाहामा ४ हजार क्वीन्टल उखु उत्पादन हुने लक्ष्य थियो । आधाभन्दा बढी आगो लागेर नष्ट भएको उहाँको भनाई छ ।

दमकल जाने बाटो नहुँदा बढी क्षति

स्थानीयको अनुसार आगलागी भएको उखु खेतीमा दमकल जाने बाढो नुहँदा बढी क्षति भएको हो ।

‘दमकल आगो लागेको जानकारी पाएपछि समयमै आएको थियो,’ कोइरालाले भन्नुभयो, ‘आगो लागेको स्थानमा जाने बाटो नहुँदा दमकल बाटैमै बस्यो । जसको कारण उखुबारीमा बढी क्षति हुन पुग्यो ।’

आगो स्थानीयवासी प्रहरीको सहयोगमा स्थानीय नहरबाट पम्पसेटबाट पाइपमा पानी तानेर आगो लागेको दुई घण्टापछि नियन्त्रणमा आएको विराटनगर महानगरपालिका–११, का वडा अध्यक्ष तिर्थेन्द्र न्यौपानेले जानकारी दिनुभयो ।

‘दुर्ब्यसनी वा रिसिइबीको कारण आगो लगाइयो’

५२ बिगाहामध्ये १० बिगाहा जमिनमा उखु खेती लगाउने नागेश कोइराला नेपाली कांग्रेस मोरङका सचिव हुन् । उहाँले गएको वर्ष मात्र १० लाख रुपैयाँ लगानी गरेर उखु लगाएका हुन् ।

मंगलबार एक्कासी लागेको आगो लागुऔषध प्रयोगकर्ता वा रिसिइबीको कारणले लगाएको हुन सक्ने उहाँको अनुमान छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्