डा. केसीको स्वास्थ्य अवस्था बिग्रँदै, धरानबाट विशेषज्ञ टोली इलाम आउँदै

माघ २, २०७५ बुधबार १३:३८:१९ | सुजता सुनुवार

इलाम – गएको बुधबारदेखि अनसनरत डा.गोविन्द केसीको स्वास्थ्य अवस्था बिग्रँदै गएको छ । डा. केसीको उपचारको लागि धरानबाट चिकित्सक टोली इलाम हिँडिसकेको डा.केसी निकट धर्म गौतमले बताउनुभयो ।

उहाँका अनुसार, स्वास्थ्य तथा जनसंख्या मन्त्री उपेन्द्र यादवको निर्देशनमा ४ सदस्यीय चिकित्सकको टोली इलाम हिँडेका हुन् । चिकित्सकहरु बीपी कोइराला स्वास्थ्य विज्ञान प्रतिष्ठान धरानबाट इलाम आएका हुन् ।

टोलीमा अस्पतालका सहायक निर्देशक विकास शाह, मुटू रोग विशेषज्ञ डा.प्रशान्त साह, जेनरल फिजिसियन डा.अजय यादव, एनेस्थेसियोलोजिस्ट डा.सविन भण्डारी, ल्याब पर्सन जितेन्द्र यादव र आईसीयू नर्स निर्मला बस्नेत रहेको बताइएको छ ।

यसअघि जुनियर रेसिडेन्ट डाक्टरहरुको टोली इलाम आइसकेको समेत बताइएको छ । अनसन बसेको सातौँ दिनबाट डा. केसीलाई सुईबाट (आईभी) एन्टिबायोटिक औषधि दिन सुरु गरिएको हो । अहिले मंगलबार (हिजो) को जस्तै स्वास्थ्य अवस्था स्थिर रहेको उपचारमा संलग्न चिकित्सकहरुले जनाएका छन् ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्