डा. केसीलाई भेट्न माथेमासहितको टोली इलाम आउँदै

माघ ३, २०७५ बिहीबार १४:२३:१४ | सुजता सुनुवार

इलाम – चिकित्सा शिक्षा नीति तर्जुमा गर्न गठित उच्चस्तरीय कार्यदलका संयोजक एवं त्रिभुवन विश्वविद्यालयका पूर्वउपकुलपति केदारभक्त माथेमासहितको टोली डा. केसीलाई भेट्न बिहीबार इलाम आउँदैछन् ।

बिहीबार अपराह्न इलाम सदरमुकाम आइ पुग्ने टोलीले इलाम अस्पतालमा सत्याग्रहरत डा.केसीको आन्दोलनमा ऐक्यबद्धता जनाउने बताइएको छ । पूर्व प्रधानन्यायाधीश सुशीला कार्की र पूर्वसभामुख दमननाथ ढुंगाना, अभियन्ता डा.अभिषेकराज सिंहलगायत पनि टोलीमा सहभागी रहेको जनाइएको छ ।

टोलीले अपराह्न ३ बजे डा.केसीलाई भेटेपछि पत्रकार सम्मेलन गर्ने अस्पतालले जनाएको छ । डा. केसी १५ औ सत्याग्रहमा रहेका बेला पूर्वप्रधानन्यायाधीश कार्की समर्थन जनाउँदै प्रदर्शनमा सहभागी हुनु भएको थियो ।

डा.केसीको अवस्था चिन्ताजनक हुँदै गएपछि बुधबार चिकित्सकको विशेषज्ञ टोलीले तत्काल आईसीयूमा राख्न सुझाव दिएको थियो ।

तर, डा.केसीले इलाम नछाड्ने अडान लिए पछि उहाँलाई गएको मंगलबारदेखि नर्मल स्लाइन, एन्टिबायोटिक र अक्सिजन दिएर अस्पतालमा राखिएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्