‘क्याप्टेन’को गीतमा निरुता र भुवन केसीले कम्मर मर्काउने

माघ १३, २०७५ आइतबार १५:२६:८ | उज्यालो सहकर्मी

अभिनेत्री निरुता सिंह १० वर्षपछि नेपाली सिनेमा उद्योगमा फर्किँदा पनि उनलाई एकपछि अर्को सिनेमा मिलिरहेका छन् ।

केही समय अघि एक अवार्ड कार्यक्रमका लागि नेपाल आएको मेसोमा उनले सिनेमा नाईँ नभन्नु ल ५ मा काम गरेकी थिइन् । यस सिनेमामा उनका केही दृश्यहरुमात्र थिए । तर दर्शकले उनलाई अलिकति देख्न पाउँदा पनि निकै ठूलो खुशी मिलेको बताए ।

दर्शकको यही मायाका कारण निरुताले सिनेमा ‘दाल भात तरकारी’मा हरिवंश आचार्यको जोडीको रुपमा काम गरेकी छिन् । यो सिनेमाको छायांकनको लागि २ महिना नेपाल बसेर केही दिन अघि मात्रै मुम्बई फर्केकी निरुता फेरि नेपाल आएकी छिन् ।

उनी यस पटक पनि सिनेमाको कामले नेपाल आएकी हुन् । उनी सिनेमा क्याप्टेनमा समावेश एउटा गीतको लागि नेपाल आएकी छिन् ।

केही दिनअघि मात्रै मुम्बई पुगेकी निरुता अभिनेता अनमोल केसीको आग्रहमा नेपाल आएकी हुन् । अनमोलकै आग्रहमा उनले यस गीतमा काम गर्न मानेको निर्माता भुवन केसीले बताएका छन् ।

केही समय अगाडि एक कार्यक्रममा निरुताले आफूलाई अभिनेता अनमोल केसीसँग काम गर्न मन लागेको बताएकी थिइन् । सिनेमा क्याप्टेनमा समावेश उक्त गीतले उनको यो इच्छा पूरा गर्ने भएको छ । गीतमा निरुतासँगै अनमोल केसी र भुवन केसीले नृत्य गर्नेछन् ।

फागुन १७ गतेबाट प्रदर्शन हुन लागेको ‘क्याप्टेन’मा समावेश उक्त गीतको छायांकन केही दिनमा हुने निर्माण पक्षले जनाएको छ ।

अभिनेता भुवनको यस गीतमार्फत नेपाली सिनेमामा ८ वर्षपछि कमब्याक हुँदैछ । निरुता सिंहले २५ वर्ष अगाडि भुवन केसीकै सिनेमा ‘दक्षिणा’बाट यो क्षेत्रमा पाइला टेकेकी हुन् ।

‘क्याप्टेन’मा अभिनेता अनमोल फुटबलरको भमिकामा छन् । दिवाकर भट्टराईको निर्देशन रहेको यस सिनेमामा अनमोलसँगै उपासना सिंह ठकुरी र प्रियंका एम भि मुख्य भूमिकामा छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्