सप्तरीमा रोकिएन हात्ती आतंक

माघ १४, २०७५ सोमबार ९:२०:१३ | शुभनारायण यादव

सप्तरी – जिल्लाको उत्तरी र पूर्वी क्षेत्रमा जङ्गली हात्तीको आतङ्ग कायमै छ । आइतबार राति आएको एक हात्तीको समूहले रुपनी गाउँपालिका वडा नम्बर ६ का वीरबहादुर तामाङको घर भत्काएको छ ।

हात्तीले तामाङको अन्नपात, फर्निचर र घर पूर्ण रुपमा क्षती गरेको रुपनी गाउँपालिका वडा नम्बर ६ का अध्यक्ष गोविन्दसिंह थापामगरले जानकारी दिनुभयो ।

त्यसैगरी छ वटाको समूहमा आएको जंगली हात्तीले अग्नीसाईर कृष्णासवरन गाउँपालिका वडा नम्बर २ का बलबहादुर राईको घर पनि भत्काएको छ । राईको घर भत्काएर चामाल, कोदो, मकै र घरभित्र रहेको भाँडाकुडासहित सामान नष्ट गरेको स्थानीय बासिन्दाले बताएका छन् ।

गएको तीन चार दिनमा मात्रै जङ्गली हात्तीको समूहले सप्तरीको पूर्वी क्षेत्रमा २८ वटा घरमा क्षति पुर्‍याउनुका साथै किसानले लगाएको लाखौँको बालीनाली नष्ट गरेको अग्नीसाईर कृष्णासवरन गाउँपालिकाका अध्यक्ष पर्शुराम चौधरीले जानकारी दिनुभयो ।

हात्तीले दैनिक ठूलो जनधनको क्षती गर्दासमेत सम्वन्धित निकायहरु भने मौन भएर बसेको पीडितले आरोप लगाएका छन् । जङ्गली हात्तीका कारण यस क्षेत्रका स्थानीयबासिन्दा रातभर जाग्राम बस्न बाध्य भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्