पशुपतिबाट चोरी भएकाे मोटरसाइकल सिन्धुलीमा भेटियाे, चालक प्रहरी नियन्त्रणमा

माघ १५, २०७५ मंगलबार १६:४७:२५ | बाबुराम देवकोटा

सिन्धुली – जिल्ला ट्राफिक प्रहरी कार्यालय सिन्धुलीले चोरीको मोटरसाइकलसहित मंगलबार एक जनालाई पक्राउ गरेको छ ।

बीपी राजमार्ग अन्र्तगत कमलामाई नगरपालिका–४ हिरापानीमा गरिएको जाँचका क्रममा चोरीको मोटरसाइकलसहित तीनपाटन गाउँपालिका–२ भीमस्थानका १९ वर्षीय रोशन सुनुवारलाई नियन्त्रणमा लिइएको ट्राफिक प्रहरीले जनाएको छ ।

ट्राफिक प्रहरी नायब निरीक्षक विष्णु बस्नेतका अनुसार जाँचका क्रममा सवारी दर्ता प्रमाणपत्र अनुसार मोटरसाइकलको नम्बर प्लेट नभएपछि मोटरसाइकलसहित चालकलाई नियन्त्रणमा लिइएको हो ।

सुनुवारले नक्कली नम्बर प्लेट राखेर चलाएको बा ८७ प ८९७४ नम्बरको पल्सर मोटरसाइकल नियन्त्रणमा लिइएको हो । मोटरसाइकलको वास्तविक नम्बर प्लेट बा ९३ प ८५१७ रहेको खुल्न आएको छ ।

पक्राउ परेका सुनुवारले आफूले साथीको मोटरसाइकल मागेर चलाएको बताएको र आवश्यक अनुसन्धानका लागि जिल्ला प्रहरी कार्यालय सिन्धुलीमा पठाइएको नायब निरीक्षक बस्नेतको भनाइ छ ।

प्रहरीका अनुसार नियन्त्रणमा लिइएको मोटरसाइकल नुवाकोट, थानपति घर भएका केदार पाठकको भएको र गएको साउन २८ गते पशुपति क्षेत्रबाट हराएको उजुरीका आधारमा खुलेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्