भारत नेपालको विकासका लागि ‘शेर्पा’ बन्न तयार छ : मोदी

काठमाडौंमा नागरिक अभिनन्दन

वैशाख २९, २०७५ शनिबार १९:२१:२० | उज्यालो सहकर्मी

काठमाडाैं, वैशाख २९ – भारतीय प्रधानमन्त्री नरेन्द्र मोदीले नेपालको विकासका लागि भारत शेर्पा बन्न तयार रहेको बताउनुभएको छ ।

काठमाडौ‌ं महानरपालिकाले गरेको अभिनन्दन ग्रहण गर्दै उहाँले नेपालको अहिलेको अवस्था सगरमाथाको आधारशिविरमा पुगेको पर्वतारोही जस्तै भएको भन्दै अब शिखर आरोहण गर्न शेर्पाले पर्वतारोहीलाई पुर्याउने योगदान जस्तै भारत नेपालको विकासका लागि शेर्पा बन्न तयार रहेकाे बताउनुभयाे ।

‘तपाईहरु आफ्नै प्राथमिकता र आवश्यकता आफ्नै अनुसार तय गर्नुहोस र अघि बढ्नुहोस', मोदीले भन्नुभयो, 'भारत काँधमा काँध मिलाउन तयार छ ।’ यो म बढो जिम्मेवारीका साथ भनिरहेको छु', उहाँले थप्नुभयो, 'प्राथमिकता र आवश्यकता आफै तय गर्नुहोस, भारत सधैँ नेपालका साथ काँधमा काँध मिलाएर चल्न तयार छ । नेपालको खुशी नै भारतको खुशी भएको पनि उहाँले बताउनुभयो ।

भूकम्पपछि देश र समाजको पनि पुनर्निर्माण भएको उल्लेख गर्दै उहाँले अहिले नेपालमा संघीय, प्रदेश र स्थानीय तहमा लोकतान्त्रिक सरकार बनेको र तीनै तहका चुनाव एकै वर्षमा गरेकोमा नेपाललाई धन्यवाद दिनुभयो । उहाँले गोलीको बोलवाला रहेको अवस्थालाई छोडेर युद्धबाट बुद्धको यात्रामा अघि बढेको स्मरण गर्दै उहाँले अझे धेरै टाढा पुग्न आवश्यक रहेकोमा जोड दिनुभयो ।

छिमेकी देशलाई सधैँ प्राथमिकतामा राख्ने (नेइभरहुड फष्ट) अवधारणालाई अघि बढाइरहेको बताउनुभएको छ । आफ्ना छिमेकी देशको समृद्धि र उन्नतीमा भारतले सहयोग गर्ने र त्यस्तो सहयोग ती देशहरुकै आवश्यकता अनुसार हुने उहाँले बताउनुभयो । अल्पविकसित देशको आर्थिक र प्राविधिक सहयोग गर्ने कुरालाई भारतले महत्व दिएको मोदीले बताउनुभयो ।

नेपालले खासगरी काठमाडौले भूकम्पका बेला जुन धैर्य देखायो त्यो विश्वकै लागि अनुकरणीय रहेको मोदीले बताउनुभयो । उहाँले दुई देशको सम्बन्ध पुरानो, ऐतिहासिक र विशेष रहेको भन्दै त्यसलाई अझ प्रगाढ बनाउन चाहेको दाबी पनि गर्नुभयो ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्