अचम्मको राहु पूजा : तरबारमा हिँड्नेदेखि दाँतले टोकेर भेडा मार्नेसम्म

माघ २४, २०७५ बिहीबार ८:२७:४४ | शुभनारायण यादव

सप्तरी – तराईका जिल्लाहरुमा विशेष आस्थाका साथ गरिने राहु पूजा सप्तरीको कञ्चनरुप नगरपालिका वडा नम्बर ८ को बेरियरमा सम्पन्न भएको छ ।

यो पूजा जुनसुकै जाति तथा समुदायले गरे पनि पुजारी भने दुसाध(पासवान)जातिकै हुनुपर्ने परम्परा रहँदै आएको छ । यो पटक सप्तरीको सुरुङ्गा नगरपालिका वडा नम्बर–८, मल्हनमाका सन्तोषकुमार पासवानले पुजारी(भगता)को जिम्मेबारी सम्हालेका थिए ।

पूजामा सिरहा,सप्तरी,सुनसरी र सीमावर्ती भारतीय क्षेत्रका हजारौँ सर्वसाधारणको घुइँचो लागेको थियो ।

राहु पूजास्थलमा मुख्य चारवटा विशेषता रहेको पाइन्छ ।

बाँसमा बाँधेको तलवारको धारमा टेकेर उभिने
उम्लँदै गरेको खिरको भाँडोमा हात हालेर चारैतिर छर्किने
बल्दै गरेको आगोमा हिँड्ने
भेँडालाई दाँतले चेपेर घुमाउने मरुञ्जेलसम्म नछाड्ने

एक साता अघिदेखि नै पूजा गर्ने व्यक्तिको घरमा आएर पूजामा प्रयोग हुने बाँसलाई वसविटीका घारीमा गएर पूजा गरी निम्तो दिने गरिन्छ । त्यो बाँस पूजा हुने दिन काटेर ल्याउने गरिन्छ । निःसन्तानलाई सन्तान प्राप्ति, आवाज गुमेको मानिसलाई आवाजसमेत आउने गरेको, बिरामीहरु समेत निको हुने जनविश्वास रहेको छ । सूर्य भगवानले अरु कुनै जातिसँग अर्घ्य नलिई पासवान(दुसाध)जातिसँग मात्र लिएको मान्यता रहेको छ ।

कञ्चनरुप नगरपालिका वडा नम्बर–८, की समलु सदाले आफूले गएको वर्ष राहू पूजामा आफ्नो बुहारीको लागि सन्तान प्राप्तिका कामना(भाकल) गरेपछि पूरा भएको बताउनुभयो । उहाँले भन्नुभयो, ‘बिहेको लामो समयसम्म पनि सन्तान भइरहेको थिएन, पूजा हेर्न आएको बेला भाकल गरेको थिएँ, नभन्दै बुहारीलाई पुत्र प्राप्त भयो ।’

राहु पूजामा राष्ट्रियसभाका पूर्व उपाध्यक्ष रामप्रित पासवान, कञ्चनरुप नगरपालिकाका मेयर वसन्तकुमार मिश्र,उपमेयर निरु पाखरेल, निमित्त कार्यकारी प्रशासकीय अधिकृत पेशल पोखरेल, वडा अध्यक्ष दिलिप चौधरी, राजकुमार साह, नेपाली कांग्रेसका क्षेत्र नम्बर–१, का सभापति ललनप्रसाद गुप्तालगायतको उपस्थिति रहेको पूजा व्यवस्थापक समितिका अध्यक्ष जोगिन्द्र पासवान जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्