सरकारले रोजगार दिन सकेन भने तपाईँले एक वर्षमा कति भत्ता पाउनुहुन्छ ?

फागुन १, २०७५ बुधबार १७:११:१३ | उज्यालो सहकर्मी

काठमाण्डौ – देशभित्रै रोजगारी सिर्जना गर्ने उद्धेश्यसहित सरकारले प्रधानमन्त्री रोजगार कार्यक्रम सार्वजनिक गरेको छ ।

राष्ट्रिय सभागृहमा भएको समारोहमा प्रधानमन्त्री केपी शर्मा ओलीले प्रधानमन्त्री रोजगार कार्यक्रमको उद्घाटन गर्नुभएको हो । उहाँले यो कार्यक्रमले देशभित्रै युवाले रोजगारी पाउने मात्रै नभै विकास निर्माणका आयोजनाले पनि नेपाली कामदार पाउने दाबी गर्नुभयो ।

बुधबार घोषणा भएको कार्यक्रमअनुसार सरकारले वैदेशिक रोजगारीमा नगएका, घरमा एक जना पनि रोजगारी नपाएका र निरपेक्ष गरिवीको सूचीमा रहेका परिवारका एकजना सदस्यलाई वर्षको कम्तिमा एक सय दिन रोजगारी दिनेछ ।

रोजगारी दिन नसकेमा न्यूनतम पारिश्रमिकबापत पाउने ५० दिन बराबरको तलव बेरोजगार युवाले पाउनेछन् ।

कति पाइन्छ निर्वाह भत्ता ?

यदि परिवारको कुनै पनि सदस्यले न्यूनतम रोजगारी पाएको छैन, सरकारले तोकेको भन्दा कम वार्षिक आय छ, परिवारको कुनै पनि सदस्य स्वरोजगार छैन, परिवारको कुनै पनि सदस्य वैदेशिक रोजगारीमा गएको छैन, वा सरकारी कोष या रोजगारदाताबाट नियमित रुपमा निवृत्तिभरण या अरु कुनै सुविधा पाइएको छैन भने सरकारले रोजगारी दिनेछ ।

सरकारले वर्षको कम्तिमा एक सय दिन रोजगारी दिनेछ । त्यसको लागि सरकारले नै खटाएको क्षेत्रमा जानुपर्नेछ । यदि सरकारले न्यूनतम एक सय दिन पनि रोजगारी दिन सकेन भने निर्वाहको लागि भत्ता दिनेछ ।

त्यसको लागि अहिले मजदुरले पाउँदै आएको न्यूनतम पारिश्रमिकलाई आधार मानिएको छ । अहिले मजदुरले मासिक न्यूनतम १३ हजार ४ सय ५० रुपैयाँ कमाउँछन । दैनिक ४ सय ४८ रुपैयाँ ३३ पैसा कमाउँन ।

सरकारले १ सय दिनको न्यूनतम तलबको आधा रकम दिने भनेको छ । यो भनेको ५० दिनको न्यूनतम तलब दिने हो । एक दिनको तलब ४ सय ४८ रुपैयाँ ४४ पैसा गुणा ५० गर्दा २२ हजार ४ सय १६ रुपैयाँ हुन आउँछ ।

सरकारले तोकेका शर्त पूरा हुँदाहुँदै पनि रोजगार पाइएन भने सरकारले अब वर्षको २२ हजार ४ सय १६ रुपैयाँ निर्वाह भत्ता दिनेछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्