राष्ट्रपति भण्डारीद्वारा मेचीकाली विश्व अभियानको उद्घाटन

फागुन ४, २०७५ शनिबार २०:२६:२३ | सुवास दर्नाल

सोलुखुम्बु – राष्ट्रपति विद्यादेवी भण्डारीले गुणस्तरीय प्रविधिक र व्यवसायिक शिक्षा अवलम्बन गर्नुपर्नेमा जोड दिनुभएको छ ।

सोलुखुम्बु बहुमुखी क्याम्पसले सञ्चालन गर्ने मेची–काली विश्व अभियानको शनिबार उद्घाटन गर्नुहुँदै राष्ट्रपति भण्डारीले मुलुक आर्थिक समृद्धिमा केन्द्रित रहेको परिप्रेक्षमा गुणस्तरीय प्राविधिक शिक्षाले महत्वपूर्ण भूमिका खेल्ने बताउनुभएको हो ।

राष्ट्रपति भण्डारीले नेपालको प्रतिष्ठा र सभ्यतासँग जोडिएका हिमश्रृङखला, हिमनदी, जैविक विविधतालाई कायम राख्नु आजको आवश्यकता भएको बताउनुभयो ।

पहिलोपटक सोलुखुम्बु आउनुभएका राष्ट्रपति भण्डारीले विश्वसामु नेपाललाई परिचित गराउन शेर्पा समुदायको महत्वपुर्ण भूमिका रहेको भन्दै प्रशंसासमेत गर्नुभयो । देशको महत्वपूर्ण पर्यटकीय गन्तव्यसहित आरोहणका लागि शेर्पा आरोहीले खेलेको भूमिका देशले बिर्सन नसक्ने उहाँको भनाई छ ।

पहिलो सगरमाथा आरोही सर एडमण्ड हिल्लारीको सपनालाई साकार पार्नको लागि पनि अभियानले सहयोग पुर्‍याउने उहाँले विश्वास व्यक्त गर्नुभयो ।

राष्ट्रपति भण्डारी शनिबारै काठमाण्डौ फर्कने कार्यक्रम भए पनि मौसम प्रतिकूलताका कारण फर्कन सक्नुभएन। उहाँ आईतबार मात्रै काठमाण्डौ फर्कनुहुने जिल्ला प्रशासन कार्यलय सोलुखुम्बुले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्