नाट्य विधाका लागि छुट्टै बजेटको व्यवस्था गर्ने प्रधानमन्त्री ओलीकाे घोषणा

फागुन १३, २०७५ सोमबार १९:४०:४८ | उज्यालो सहकर्मी

काठमाण्डाै - प्रधानमन्त्री केपी शर्मा ओलीले नाट्य विधाका लागि छुट्टै बजेटको व्यवस्था गर्ने घोषणा गर्नु भएको छ ।

प्रधानमन्त्री ओलीले नाट्य विधाको उत्थानलाई योजनावद्ध ढंगले अघि बढाउन नाटकका लेखक तथा नाट्यकर्मीहरुलाई अझै उत्साहका साथ अघि बढन पनि आग्रह गर्नु भयो । सोमबार काठमाडौंमा ‘नेपाल अन्तराष्ट्रिय नाट्य महोत्सव–२०७५’को उद्घाटन गर्दै उहाँले नाट्य क्षेत्रको उत्थानका लागि सरकारले आवश्यक सबै खालको प्रबन्ध गर्ने प्रतिवद्धता पनि व्यक्त गर्नु भयो । आगामी आर्थिक वर्ष नाट्य विधाका लागि छुट्टै बजेटको व्यवस्था गर्ने प्रधानमन्त्री ओलीको भनाइ छ ।

प्रधानमन्त्री ओलीले नेपालमा नाटकको भविष्य राम्रो रहेको उल्लेख गर्दै त्यसको उत्थानमा भने जनस्तरबाटै प्रयास हुनुपर्ने जरुरी रहेको पनि बताउनु भयो । उहाँले नाटकलाई अभिव्यक्ति र अभिनयको सशक्त माध्यमको रुपमा चित्रण गर्दै त्यसले नेपालको कला, भाषा र संस्कृतिको उत्थानमा महत्वपूर्ण योगदान पुर्‍याउँदै आएको पनि स्मरण गराउनु भयो ।

कार्यक्रममा प्रधानमन्त्री ओलीले संस्कृतिविद् सत्यमोहन जोशीलगायत नेपालको नाट्य विधामा योगदान पुर्‍याएकाहरुलाई पनि सम्मान गर्नु भएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नाट्य विधाका लागि छुट्टै बजेटको व्यवस्था गर्ने प्रधानमन्त्री ओलीकाे घोषणा

फाइल फाेटाे

तपाईको प्रतिक्रिया