विश्वकप फुटबल २०१८: पाेल्याण्ड विरुद्ध काेलम्बिया

असार १०, २०७५ आइतबार २१:९:४३ | उज्यालो सहकर्मी

फिफा विश्वकप अन्तर्गत आजरातिे समूह एच अन्तर्गत कोलम्बिया र पोल्याण्डबीच प्रतिस्पर्धा हुनेछ ।

दुवै टिमका लागि यो खेल नकआउट चरणमा पुग्न सम्भावना कायमै राख्नका लागि निकै महत्वपूर्ण छ । दुईबीचको खेल काजान एरिनामा नेपाली समयअनुसार राति पौने १२ बजेदेखि सुरु हुँदैछ ।

समूह चरणको पहिलो खेलमा कोलम्बिया जापानसँग दुई एकले हारेको थियो भने पोल्याण्ड सेनेगलसँग दुई एकले नै पराजित भएको थियो ।

दोस्रो चरणको अन्तिम खेलका रुपमा रहेको यो खेलको विजेताले अन्तिम खेलमा जित निकालेमा नकआउट चरणको यात्रा पक्का पार्नेछ ।

पहिलो खेलमा चोटका कारण पुर्ण रुपमा फिट नभएपछि सब्स्टिच्युट खेलाडीका रुपमा मैदान प्रवेश गरेका जेम्स रोड्रिगेज आज सुरुवात देखि नै खेल्नेछन् ।

यता पोल्याण्डका स्ट्राइकर डाविड कोनास्कीले पहिलो खेलमा राम्रो खेलेका कारण आजपनि टिममा रहनेछन् ।

पहिलो खेलमा हार ब्यहोरेर पोल्याण्डले अहिलेसम्म विश्वकपका समूह चरण पार गर्न सकेको छैन ।

यता कोलम्बियाका कार्लो सान्चेजले पहिलो खेलमा रातो कार्ड पाएका कारण आज खेल्न पाउने छैनन् ।

सन् २००६ पछि यी दुई टिम पहिलो पटक मैदानमा उत्रँदैछन् ।

पछिल्लो पटक भएको खेलमा कोलम्बिया दुई एकले विजयी भएको थियो ।

युरोपियन टिम विरुद्ध कोलम्बियाले ९ खेलमा दुई खेलमा मात्र जित निकालेको छ । जसमा दुई बराबरी र ५ हार ब्यहोरेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्