दक्षिण कोरियाका राष्ट्रपति युनद्वारा भ्रष्टाचार नियन्त्रण निकाय स...
पुस ३, २०८१ बुधबार
पासपोर्टको सिफारिसका लागि रेडबुल घुस खाने कर्मचारी (भिडियोसहित)
धनुषा – जिल्ला प्रशासन कार्यालय जिल्ला भरिका सम्पूर्ण सरकारी निकायमाथि नियमन गर्ने निकाय हो ।
कतै कुनै कर्मचारी वा सर्वसाधारणले गैरकानुनी काम अथवा भ्रष्टाचार गरेको खण्डमा जिल्ला प्रशासन कार्यालयले नै कारबाही गर्ने वा कारबाहीका लागि माथिल्लो निकायमा सिफारिस गर्दछ । जहाँ प्रमुख जिल्ला अधिकारी नै स्वयम् बस्छन् । तर केही वर्ष यता जिल्ला प्रशासन कार्यालय धनुषामा नै खुलेआम घुसखोरी बढेको छ ।
नागरिकता, राहदानी, मधेशी प्रमाणित, संघसंस्था दर्तालगायतको काममा बहानाबाजी गरी जिल्ला प्रशासन कार्यालय धनुषामा विभिन्न फाँटका कर्मचारी सर्वसाधारण सेवाग्राहीसँग घुस लिएर मात्र काम गर्ने गरेको व्यापक जनगुनासो छ । तर ती कर्मचारीहरुमाथि कारबाही नहुँदा जिल्ला प्रशासनका कार्यालयका कर्मचारीहरुको उदण्डता बढ्दै गएको छ । उनीहरु घुस खान पल्किसकेका छन् । त्यो दलाल मार्फत होस् वा प्रत्यक्ष रुपमा सेवाग्राहीबाट ।
यस्तै प्रमाणसहितको एउटा भिडियो सार्वजनिक भएको छ । जसमा टेबुलमै खुलेआम सेवाग्राहीबाट घुस नलिई काम नगर्ने एक कर्मचारीको भिडियो बाहिर आएको छ । उज्यालो अनलाइनलाई प्राप्त एउटा भिडियोबाट सेवाग्राहीको कामको लागि रेडबुल किनेर ल्याउन लगाएको खुलेको छ ।
रेडबुल नपिई काममा जाँगर नचलाउने कर्मचारी हुन् जिल्ला प्रशासन कार्यालय धनुषाको राहदानी फाँटका नायब सुब्बा सुक्टा पंजियार । उनले पासपोर्टको काम गराउन गएका श्रवण महतो नाम गरेका सेवाग्राहीलाई पाँचवटा रेडबुल ल्याउन लगाई मात्रै काम गर्छन् । जिल्ला प्रशसन कार्यालयको परिसरभित्र रहेको तुल्सीको पसलबाट पाँचवटा रेडबुल लिएर आउ भन्दै नासु पजियारले जोडले भनेको यस भिडियोमा प्रष्टै सुनिन्छ ।
श्रवणले तीनवटा मात्र रेडबुल ल्याएर दिन्छन् । तर ती नासु र भित्रका अन्य एक कर्मचारीले पाँच जनामा तीनवटा रेडबुलले कसरी पुग्छ भन्दै प्रश्न गर्छन् । युवकले ‘तीनवटैमा गरिदिनुस् न सर’ भन्दै आग्रह गर्छन् । तर नासु पजियारले ‘हुँदैन, दुइटा अझै ल्याउ’ भन्दै हर्कार्दै पुनः ती सेवाग्राही श्रवणलाई रेडबुल लिन पठाउँछन् । त्यसअघि नै एकसेवाग्राहीलाई नासु पजियारले चारवटा चिया र एउटा रजनीगन्धा लिएर आउन अह्राउँछन् ।
यस विषयमा रेडबुल लिएर मात्र काम गर्ने नासु पजियारसँग प्रतिक्रिया लिँदा उनले हाँस्दै ‘आज बाहिर छु । भोलि भेटेर कुरा गर्छु’ भन्दै अरु केही बोल्न मानेन् ।
यस विषयमा धनुषाका प्रमुख जिल्ला अधिकारी गोपालप्रसाद पराजुलीले रेडबुल खाने नासु पजियारलाई बोलाएर सोधपुछ गरी मात्र केही भन्न सक्ने प्रतिक्रया दिनुभयो ।
काम गरेबापत रेडबुल टेबलमै ल्याउन लगाई खाने भिडियो एउटा उदाहरण मात्र हो । जिल्ला प्रशासन कार्यालय धनुषामा दैनिक दर्जनौँ सर्वसाधारण कर्मचारीबाट प्रताडित भएका छन् । सेवाग्राहीलाई जिल्ला प्रशासनका कर्मचारीहरु मान्छे नै गन्दैनन् । सर्वसाधारणहरु झ्याल बाहिरबाट कामका लागि बिलौना गरिरहन्छन् । तर भित्रका कर्मचारी सेवाग्राहीलाई भन्दा दलाललाई प्राथमिकता दिन्छन् । उनीहरु दलालले ल्याउने काममा नै बढी व्यस्त हुन्छन् ।
एक घण्टामा हुने कामका लागि सेवाग्राही हप्तौँसम्म धाउन बाध्य छन् । अझ केही न केही घुष नदिई कामै नबन्ने सेवाग्राहीको गुनासो छ । गर्मीको मौसम छ सुब्बासाबहरु रेडबुल वा चिसो नखाई त एउटा सिफारिससम्म बनाउन नसक्ने अवस्थामा हुनुहुन्छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
शैलेन्द्र महतो
शैलेन्द्र महतो उज्यालोका धनुषा सहकर्मी हनुहुन्थ्यो। 
2 Comments
समाचार
-
-
रुपन्देहीको क्लबलाई हराउँदै चर्च ब्वाइज झापा कपको सेमिफाइनलमा
पुस ३, २०८१ बुधबार
-
नातिकाजी राष्ट्रिय सङ्गीत सम्मान घोषणा
पुस ३, २०८१ बुधबार
-
पाेखरा सडक महाेत्सवकाे पुस १३ देखि १७ गतेसम्म
पुस ३, २०८१ बुधबार
-
राष्ट्रपतिद्वारा भारत र मलेसियाका लागि राजदूत नियुक्त
पुस ३, २०८१ बुधबार
-
ठूला उद्योगमा 'लोडशेडिङ' शुरू, माथिल्लाे तामाकोशी पूर्ण क्षमत...
पुस ३, २०८१ बुधबार
-
दैनिक आत्महत्याका २० र बलात्कारका ७ वटा मुद्दा प्रहरीमा दर्ता
पुस ३, २०८१ बुधबार
-
जनकपुरलाई हराउँदै सुदूरपश्चिम एनपीएलकाे फाइनलमा
पुस ३, २०८१ बुधबार
-
हङकङलाई २ सय २६ रनले हराउँदै नेपालले एक खेलअघि नै जित्याे ...
पुस ३, २०८१ बुधबार
-
शेयर बजार सामान्य घट्याे
पुस ३, २०८१ बुधबार
-
स्रोत नखुलेको ६८ लाख रुपैयाँसहित काठमाण्डौबाट चार जना पक्राउ
पुस ३, २०८१ बुधबार
-
त्रिविको जग्गा तथा सम्पत्ति छानबिन समितिको प्रतिवेदन सार्वजनिक ...
पुस ३, २०८१ बुधबार
-
दिल्लीको वायु प्रदूषण कोभिड–१९ महामारीभन्दा पनि खतरनाक : विज्ञ
पुस ३, २०८१ बुधबार
-
सङ्क्रमणकालीन न्यायसम्बन्धी मुद्दामा तीन वटा मानव अधिकारवादी सङ्...
पुस ३, २०८१ बुधबार
विचार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
-
बीआरआईमा हस्ताक्षर भयो, तर अन्तिम किनारा लगाउन बाँकी छ
मंसिर २०, २०८१ बिहिबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
RASHINDRA YADAV
June 29, 2018, 8:21 a.m.yasto karmchari lai na hatae desh barbad hunchh
Pinkal kumar paswan
June 27, 2018, 8:39 p.m.Esto karamchari ko karan le hamro desh barbadh vayeko ho .yesto karamchari lai hataunu parxa .yesto karamchai ko video banaunai lai derai derai dhanabadh gardai xu..