एसएस राजामौलीको फिल्म ‘आरआरआर’ मा आलिया भट्ट र अजय देवगनको भूमिका रहने पक्का

 फागुन ३०, २०७५ बिहीबार १९:५४:१७ | उज्यालो सहकर्मी
unn.prixa.net

सुपरहिट फिल्म ‘बाहुबली’ सिरिजका निर्देशक एसएस राजामौली तेलुगु फिल्म ‘रामा रावणा राज्यम’ अर्थात ‘आरआरआर’ लिएर आउँदैछन् ।

यस फिल्ममा बलिउड स्टार अजय देवगण र आलिया भट्ट रहने कुराको टुंगो लागिसकेको छ । यस कुराको आधिकारिक घोषणा पनि भइसकेको छ । 

यस विषयमा आरआरआर फिल्मको ट्विटर ह्याण्डल मार्फत लेखिएको छ, ‘स्वागत छ आलिया, तपाइँलाई हाम्रो फिल्मकी मुख्य अभिनेत्रीको रुपमा पाउँदा हामीलाई धेरै खुशी लागेको छ । साथै जन्मदिनको अग्रीम शुभकामना ! आशा गर्छौँ हामीसँगको सहयात्रा सुखद् हुनेछ ।’

 

अभिनेत्री आलिया भट्टले पनि उक्त ट्वीटको जवाफ दिँदै लेखेकी छिन्, ‘म आज निकै नै खुशी छु । उत्कृष्ट कलाकार र भव्य टिमका साथ सुरु हुन गइरहेको सुन्दर सहयात्राको लागि म अब धेरै प्रतीक्षा गर्न सक्दिन । यहाँको निर्देशनमा बन्न लागेको यस फिल्ममा मलाई अवसर दिनुभएकोमा राजामौली सरलाई धेरै धन्यवाद ।’
 

यस फिल्ममा अजय देवगनको पनि अहम् भूमिका रहनेछ । यसका साथै फिल्ममा अजय देवगनको स्पेसल डान्स नम्बर रहने पनि बताइएको छ । 

एसएस राजामौलीले यस फिल्मका लागि भव्य तयारी गरिरहेका छन् । फिल्मको निर्माण डीबीबी दनयाले गरिरहेका छन् । आरआरआर एउटा पिरियड ड्रामा हो । यसको कथा सन् १९२० को समयमा आधारित हुनेछ ।

भारतको हैदराबादमा यस फिल्मको भव्य सेट लगाइएको छ । फिल्ममा आलिया भट्ट, अजय देवगनबाहेक जुनियर एनटीआर र राम चरनको मुख्य भूमिका रहनेछ ।  
 

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

गुल्मीको धुर्काेटमा एउटै परिवारले चार सय मुरी धान फलायो

२

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

३

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

४

पुटिनद्वारा नयाँ आणविक सिद्धान्तमा हस्ताक्षर, युक्रेनलाई ल्यान्ड माइन दिन बाइडेन सहमत

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई